قازاقستاندىق اننا دانيلينا جۇپتىق سىندا ءۇندىستاننىڭ پۋنا قالاسىندا ITF W25 سەرياسى بويىنشا وتكەن ءتۋرنيردىڭ جەڭىمپازى اتاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستان تەننيس فەدەراسياسى ءمالىم ەتكەنىندەي، ا.دانيلينا ۋكراينالىق ۆالەريا ستراحوۆامەن بىرگە فينالدا جاپونيالىقتار فۋنا كوزاكي – ميساكي ماسۋدامەن باس جۇلدەنى ساراپقا سالدى.
قازاقستاندىق-ۋكراينالىق جۇپ تارتىستى ماچتا 6:0، 2:6، 10:5 ەسەبىمەن جەڭىسكە جەتتى.
ا.دانيلينا وسىلايشا جۇپتىق سىندا ITF World Tennis Tour دودالارىندا سپورتتىق جولىنداعى 23ء-ىنشى، بيىلعى 9-تيتۋلىنا قول جەتكىزدى. ول سونداي-اق بيىل پولشادا WTA 250 جارىسىندا العاش رەت چەمپيوندىق اتاقتى جەڭىپ الدى.
«وسى اپتاداعى تابىسىمىز ءۇشىن ۆالەريا ستراحوۆاعا العىسىمدى ايتقىم كەلەدى. ەندى ەلگە كەلىپ، بىرنەشە كۇن دەمالامىن. جاڭاجىلدىق مەرەكەنى ءوز وتباسىممەن وتكىزىپ، سوسىن جاڭا ماۋسىمعا دايىندالامىن»، دەدى ا.دانيلينا.
قازاقستاندىق تەننيسشى قازىرگى كەزدە جۇپتىق سىندا الەمدىك رەيتينگىدە 75-ورىندا تۇر.
ەسكە سالا كەتەيىك، بۇدان بۇرىن زاڭعار نۇرلان ۇلىنىڭ ەۋروپا تەننيسى رەيتينگىندە كوش باستاعانىن جازعان بولاتىنبىز.