ۇلتتىق بانك ونىڭ سەبەبىن ايتتى.
بيىل ساۋىردە تەڭگە باعامى 1،1 پايىزعا، ياعني 1 اقش دوللارى ءۇشىن 442،05 تەڭگەگە دەيىن نىعايدى، دەپ حابارلايدى Almaty-akshamy.kz
وسىعان وراي ساراپشىلار تەڭگە-دوللار جۇبىنداعى مۇنداي وزگەرىستىڭ نەگە بايلانىستى ەكەندىگىن ايتتى.
ۇلتتىق بانك دەرەكتەرىنە سايكەس، ساۋىردەگى ساۋدا-ساتتىقتىڭ جالپى كولەمى 5،1 ملرد اقش دوللارى بولدى. ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن ساۋىردە 1 056 ملن اقش دوللارىنا ۆاليۋتا ساتىلدى. ۇلتتىق قوردان ساتۋ ۇلەسى جالپى ساۋدا-ساتتىق كولەمىنىڭ 21 پايىزىنىن جانە كۇنىنە 48 ملن اقش دوللارىنان اسپايتىن مولشەردى قۇرادى.
"ۇلتتىق بانك ساۋىردە بجزق زەينەتاقى اكتيۆتەرىنىڭ ۆاليۋتالىق ۇلەسىن 30 پايىز دەڭگەيىندە ۇستاپ تۇرۋ ماقساتىندا بيرجاداعى ساۋدا-ساتتىقتا شەتەل ۆاليۋتاسىن ساتىپ الۋدى جالعاستىردى. ونىڭ جالپى سوماسى 500 ملن اقش دوللارىن نەمەسە نارىقتىڭ جالپى كولەمىنىڭ شامامەن 10 پايىزىن قۇرادى"، - دەپ حابارلادى ۇلتتىق بانك.