ۇكىمەت ايەلدەر كاسىپكەرلىگىن دامىتۋعا ەرەكشە كوڭىل بولەدى.
ەقدب باعدارلاماسى ارقىلى كاسىپكەر ايەلدەردى قولداۋ ءۇشىن ۇكىمەتتەن 17 ملن دوللارعا جۋىق قارجى ءبولىندى، دەپ حابارلايدى Almaty-akshamy.kz
بۇل تۋرالى ەۋروپالىق قايتا قۇرۋ جانە دامۋ بانكىنىڭ قازاقستانداعى شاعىن جانە ورتا بيزنەستى دامىتۋ جوباسىنىڭ مامانى ماحاببات كابيرايەۆا ايتتى.
ونىڭ سوزىنشە، ۇكىمەت قازاقستانداعى شاعىن جانە ورتا بيزنەستى، ونىڭ ىشىندە ايەلدەر كاسىپكەرلىگىن دامىتۋعا ەرەكشە كوڭىل بولەدى.
بيزنەستەگى ارۋلار بيزنەس-يدەيالارىن جۇزەگە اسىرۋ، كومپانياسىن دامىتۋ مەن جاڭا جۇمىس ورىندارىن اشۋ ءۇشىن بەرىلگەن مەملەكەتتىك قولداۋدى ءتيىمدى پايدالانىپ جاتىر.
ودان بولەك، ەقدب مەن قازاقستان ۇكىمەتىنىڭ "ميكروبيزنەستەگى ايەلدەر" جوباسى كاسىپكەر ايەلدەرگە بيزنەستى باسقارۋ جانە نارىقتاعى تابىستى باسەكەگە جەتۋ ءۇشىن كاسىبي ماشىقتانۋعا مۇمكىندىك بەرەدى.
"شاعىن جانە ورتا بيزنەسپەن اينالىساتىن قازاقستاندىق ايەلدەردىڭ ءبىلىمىن جەتىلدىرى ءۇشىن ۇكىمەتتەن 2015-2025 جىلعا 16،9 ملن دوللار ءبولىندى. بۇل جۇمىس ىستەپ تۇرعان كىشى بيزنەستەگى قىز- كەلىنشەكتەرگە ارنالعان وقۋ باعدارلاماسى. ويتكەنى، كەيبىر كاسىپكەر ايەلدەر بەلگىلى ءبىر رەسۋرستاردىڭ شەكتەلۋىنە بايلانىستى، پروبلەمالارعا تاپ بولىپ جاتادى"، – دەدى ماحاببات كابيرايەۆا.
ول كاسىپكەرلىككە جاڭادان كەلگەن قىز-كەلىنشەكتەر قانداي پروبلەماعا ءجيى ۇشىرايتىنىن ايتتى.
"بيزنەس سالاسىنا جاڭادان اياق باسقان ايەلدەر كوبىنە قارجى باسقارۋ، مامان تاڭداۋ جانە قول استىنداعى قىزمەتكەرلەرمەن ءتىل تابىسۋ بويىنشا قيىندىقتارعا تاپ بولادى. مىنە، "ميكروبيزنەستەگى ايەلدەر" جوباسى وسىنداي تۇيىتكىل دۇنيەنىڭ شەشىمىن تاۋىپ بەرەدى"، – دەيدى مامان.