بۇل تۋرالى ۇلتتىق بانك ءتوراعاسى تيمۋر سۇلەيمەنوۆ ايتتى.
2024 جىلدىڭ 9 ايىندا تەڭگە 5،8%-عا السىرەدى، دەپ حابارلايدى aqshamnews.kz
«قىركۇيەكتە تەڭگەنى ايىرباستاۋ باعامى ءبىر دوللار ءۇشىن 481،11 تەڭگەگە دەيىن، ياعني 0،1%-عا ازداپ نىعايدى. الايدا جىل باسىنان بەرى تەڭگە 5،8%-عا السىرەدى»، - دەدى تيمۋر سۇلەيمەنوۆ ۇكىمەت وتىرىسىندا.
ونىڭ ايتۋىنشا، ترانسفەرتتەردى قامتاماسىز ەتۋ ءۇشىن قىركۇيەكتە ۇلتتىق قوردان رەسپۋبليكالىق بيۋدجەتكە 945 ملن دوللاردى ساتىپ، تەڭگەگە قولداۋ كورسەتكەن.
«ءبىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرىن ينۆەستيسيالاۋ ءۇشىن شەتەل ۆاليۋتاسىن ساتىپ الۋ كولەمى 500 ملن دوللار بولدى. زەينەتاقى اكتيۆتەرىنىڭ ۆاليۋتالىق ۇلەسى ماقساتتى 40% دەڭگەيىنە جەتۋىنە بايلانىستى شەتەل ۆاليۋتاسىن ساتىپ الۋدى توقتاتا تۇرۋ تۋرالى شەشىم قابىلداندى»، - دەدى سۇلەيمەنوۆ.
تيمۋر سۇلەيمەنوۆ تەڭگەنىڭ بۇدان كەيىنگى ديناميكاسى الەمدىك نارىق پەن گەوساياسي جاعدايدىڭ وزگەرۋىنە بايلانىستى بولاتىنىن اتاپ ءوتتى.
ۇلتتىق بانك رەسمي سايتىنداعى اقپاراتقا سايكەس، 15 قازاندا دوللار 484،11 تەڭگەگە تەڭ بولىپ تۇر. كەيىنگى اپتادا كورسەتكىش 490 تەڭگەگە دەيىن جەتتى.
Kurs.kz مالىمەتىنشە، الماتىنىڭ ۆاليۋتا ايىرباستاۋ پۋنكتتەرىندە دوللار 488 تەڭگەدەن ساتىلىپ جاتىر. ەلوردادا اقش ۆاليۋتاسى 490 تەڭگەگە ساۋدالانىپ جاتىر.