قىسقا مەرىزىمدىك سيپاتتا اسەر ەتەدى.
Cءاۋىردىڭ ءبىرى كۇنى ۇلتتىق بانك ماماندارى ناۋرىز ايىندا تەڭگە باعامىن تۇراقتى ۇستاپ تۇرۋ ءۇشىن 990،5 ملن دوللارعا ۆاليۋتالىق ينتەرۆەنسيا جۇرگىزگەنىن ايتتى، دەپ حابارلايدى Almaty-akshamy.kz.
«الەمدەگى قارجىلىق نارىقتار ناۋرىز ايىندا گەوساياسي احۋالدىڭ ۋشىعا تۇسۋىنە بايلانىستى قۇبىلمالى كۇيدە بولدى. سىرتقى قىسىمداردىڭ ەل ەكونوميكاسىنا ىقپالىن ازايتۋ ءۇشىن جانە ىشكى ۆاليۋتا نارىعىندا تەڭگەرىم ساقتاۋ ءۇشىن ناۋرىز ايىنىڭ ورتاسىندا ۇلتتىق بانك بىرنەشە رەت ۆاليۋتا ينتەرنۆەنسياسىن جاسادى. اي سوڭىنداعى قورىتىندى بويىنشا، ينتەرۆەنسيالاردىڭ كولەمى 990،5 ملن اقش دوللارىنا تەڭ بولعان. باسقاشا ايتساق، بيرجاداعى ساۋدا-ساتتىقتىڭ 29%-ى ينتەرۆەنسيالىق شارالارعا تيەسىلى»، - دەلىنگەن ۇلتتىق بانك باسپا ءسوز قىزمەتىنىڭ حابارلاماسىندا.
مامانداردىڭ ايتۋىنشا، ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن ۆاليۋتا ساتۋ ناۋرىز ايىندا 890،9 ملن اقش دوللارعا شىقتى. ۇلتتىق بانكتىڭ ۆاليۋتالىق ينتەرۆەنسيالارى مەن ۇلتتىق قوردان ساتۋ ۇلەسى ساۋدا-ساتتىقتىڭ جالپى كولەمىنىڭ 55%-ىن قۇرادى.
ۇلتتىق بانك بجزق مەن سەنىمگەرلىك باسقارۋداعى باسقا دا قورلاردىڭ زەينەتاقى اكتيۆتەرى ءۇشىن شەتەل ۆاليۋتاسىن ساتىپ الۋ نەمەسە ساتۋ بويىنشا وپەراسيالاردى جۇزەگە اسىرعان جوق.
گەوساياسي شيەلەنىستىڭ جوعارى دەڭگەيىنە بايلانىستى 2022 جىلعى 15 ناۋرىزداعى جاعداي بويىنشا، تەڭگە تاريحي ەڭ جوعارى دەڭگەيگە جەتىپ، ءبىر اقش دوللارى ءۇشىن 512،17 تەڭگە بولدى. الايدا، وسىدان كەيىن ۇلتتىق ۆاليۋتا قوزعالىسىنىڭ باعىتى نىعايۋ جاعىنا قاراي وزگەردى. وسىلايشا، 31 ناۋرىزدا KASE بيرجالىق الاڭىنداعى ساۋدا-ساتتىق قورىتىندىلارى بويىنشا تەڭگە باعامى ناۋرىز ايىنىڭ باسىنان باستاپ 5،7%-عا نىعايىپ، ءبىر اقش دوللارى ءۇشىن 467،03 تەڭگە دەڭگەيىندە قالىپتاستى. حالىقارالىق قارجى نارىقتارىنداعى تۇزەتۋ، سونداي-اق سالىقتىق تولەمدەر كەزەڭى اياسىندا تەڭگەنىڭ نىعايۋى ورىن الدى.
«قىسقا مەرزىمدى پەرسپەكتيۆادا تەڭگەنىڭ قۇبىلمالىلىعى گەوساياسي جاعدايدىڭ وزگەرۋىنە، ىشكى قاتىسۋشىلاردىڭ كۇتۋلەرىنە جانە الەمدىك نارىقتارداعى احۋالعا بايلانىستى بولادى. بۇل رەتتە ۇلتتىق بانك ەكونوميكاداعى قۇرىلىمدىق وزگەرىستەر، مەملەكەتتىڭ جەڭىلدىكپەن كرەديتتەۋىنىڭ ازايۋى، سونداي-اق ايىرباستاۋ باعامىنىڭ ەركىن وزگەرۋ قاعيداتتارىن ۇستانۋ قاجەتتى تالابى بولىپ تابىلاتىن ينفلياسيالىق تارگەتتەۋدىڭ تولىققاندى رەجيمىنە كوشۋ جۇمىسىن جالعاستىرىپ جاتقانىن اتاپ وتكەن ءجون»، - دەلىنگەن بانك حابارلاماسىندا.
ۇلتتىق بانك تەرىس سەنارييلەر ىسكە اسىرىلعان جاعدايدا ىشكى قارجى نارىعىندا تۇراقسىزدانۋدىڭ الدىن الۋعا قاجەتتى بارلىق قۇرالدارعا يە جانە جاعدايدى قاداعالاۋدى جالعاستىرادى.