6،8%-عا نىعايدى.
مامىر ايىنىڭ قورىتىندىسى بويىنشا، تەڭگە باعامى 1 دوللار ءۇشىن 415،16 تەڭگەگە دەيىن نەمەسە 6،8%-عا نىعايدى، دەپ حابارلايدى Almaty-akshamy.kz ۇلتتىق بانككە سىلتەمە جاساپ.
ساۋدا-ساتتىقتىڭ جالپى كولەمى 2،2 ملرد اقش دوللارى بولعان كەزدە قازاقستان قور بيرجاسىنداعى ساۋدا-ساتتىقتىڭ ورتاشا كۇندىك كولەمى 115 ملن اقش دوللارىن قۇرادى.
«ۇلتتىق ۆاليۋتانىڭ نىعايۋىنا ءبىرقاتار فاكتور اسەر ەتتى، ونىڭ ىشىندە: ەنەرگيا تاسىمالداۋشىلاردىڭ تۇراقتى جوعارى باعاسى مەن ەكسپورتتاۋشىلاردىڭ سالىقتىق تولەمدەر كەزەڭى، جەكە تۇلعالار تاراپىنان شەتەل ۆاليۋتاسىنا سۇرانىستىڭ تومەندەۋىنە بايلانىستى نارىققا قاتىسۋشىلاردىڭ سەنتيمەنتىنىڭ وزگەرۋى، رەسەي ءرۋبلىنىڭ دە، تۇتاستاي العاندا، دامۋشى ەلدەردەگى ۆاليۋتالاردىڭ باعامى دا بار. سونىمەن قاتار ۆاليۋتا نارىعىنداعى ۇسىنىس كولەمى مامىردا، شامامەن، 598 ملن اقش دوللارىن قۇراعان كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمدى ساتۋى ەسەبىنەن قولداۋ تاپتى»، دەلىنگەن ۇلتتىق بانكتىڭ حابارلاماسىندا.