وقيعا بۇگىن، ياعني 13 ناۋرىزدا، بولعان.
تەمىرتاۋدا كوپ قاباتتى ۇيلەردىڭ بىرىندەگى پاتەردە گاز جارىلىپ، 7 ادام زارداپ شەكتى، ونىڭ ىشىندە 5 بالا بار، دەپ حابارلايدى اlmaty-akshamy.kz Azattyq Ruhy-نا سىلتەمە جاساپ.
وبلىستىق توتەنشە جاعدايلار دەپارتامەنتىنىڭ مالىمەتىنشە، وقيعا 13 ناۋرىزدا بولعان.
«ساعات 13:56-دا تەمىرتاۋ قالاسىندا ءورت تۋرالى حابار ءتۇستى. 6-شاعىناۋداندا بەس قاباتتى تۇرعىن ءۇيدىڭ 3-قاباتىندا ورنالاسقان پاتەردە گاز-اۋا قوسپاسى تۇتانىپ، كەيىننەن ءورت شىققان. ءورت تجد كۇشىمەن ساعات 14:19-دا ءسوندىرىلدى»، - دەپ اتاپ ءوتتى تجد قىزمەتكەرلەرى.
بەلگىلى بولعانداي، ءورتتىڭ جالپى اۋدانى 6 شارشى مەتردى قۇراعان.
«پاتەردە بولعان 7 ادام (ونىڭ ىشىندە 5 بالا) ءارتۇرلى دارەجەدەگى كۇيىك العان جانە ۋلى گازبەن ۋلانعان. زارداپ شەككەندەر اۋرۋحاناعا جاتقىزىلدى. وقيعا سالدارىنان پاتەرارالىق قابىرعا، پاتەردىڭ كىرەبەرىس ەسىگى جانە كىرەبەرىستىڭ تەرەزە بلوكتارى زاقىمدانعان»، - دەيدى ماماندار.
قاراعاندى وبلىسىنىڭ تجد ەكى قاباتتان جوعارى كوپقاباتتى ۇيلەردە گاز باللونىن پايدالانۋعا تىيىم سالىناتىنىن ەسكەرتەدى.
«تەك قىزمەت كورسەتەتىن گاز جابدىعىن پايدالانۋ قاجەت! گاز جابدىعى دۇرىس جۇمىس ىستەمەگەن جاعدايدا ماماندارعا حابارلاسۋ قاجەت. جوندەۋ جۇمىستارىن ءوز بەتىڭىزشە جۇرگىزۋ ءقاۋىپتى.
گاز باللوندارى مەن گاز جابدىقتارىن تەك وسى ونىمدەردى ساتۋعا ارنالعان سەرتيفيكاتى بار مامانداندىرىلعان ۇيىمداردان ساتىپ الۋ كەرەك»، - دەلىنگەن تجد حابارلاماسىندا.
گاز باللوندارىن اۋىستىرۋ كەزىندە وتتى، ەلەكتر قۇرىلعىلارىن پايدالانۋعا قاتاڭ تىيىم سالىناتىنىن ءارقاشان ەستە ساقتاۋ كەرەك.
سيليندرلەر:
- گاز پليتاسىنان جارتى مەتر؛
- كەز كەلگەن جىلىتۋ قۇرىلعىسىنان 1 مەتر قاشىقتا بولۋى ءتيىس؛
- ەگەر جىلىتۋ قۇرىلعىسى اشىق بولسا، وندا سيليندرگە دەيىنگى قاشىقتىق 2 مەترگە دەيىن ارتادى.