قازاقستاندا مەرەكەلىك كۇندەردىڭ قاتارىنا تاعى ەكى مەيرام قوسىلدى.
بۇل تۋرالى پرەمەر-مينيستردىڭ رەسمي سايتىندا جاريالاندى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
قازاقستان رەسپۋبليكاسىنىڭ ۇكىمەتىنىڭ 9 ناۋرىزداعى قاۋلىسى بويىنشا "قازاقستان رەسپۋبليكاسىنداعى مەرەكەلىك كۇندەردىڭ تىزبەسىن بەكىتۋ تۋرالى" قازاقستان رەسپۋبليكاسى ۇكىمەتىنىڭ 2017 جىلعى 31 قازانداعى № 689 قاۋلىسىنا وزگەرىستەر ەنگىزىلدى.
«كورسەتىلگەن قاۋلىمەن بەكىتىلگەن قازاقستان رەسپۋبليكاسىنداعى مەرەكەلىك كۇندەردىڭ تىزبەسىندە 35 جانە 36-تارماقتار مىناداي رەداكسيادا جازىلسىن: مۇعالىمدەر كۇنى – 5 قازان، قورعانىس ونەركاسىبى قىزمەتكەرلەرى كۇنى – 6 قازان. وسى قاۋلى العاشقى رەسمي جاريالانعان كۇنىنەن كەيىن قولدانىسقا ەنگىزىلەدى»، - دەلىنگەن حابارلامادا.