ول ءۇشىن تەمىرجولدار بويىندا 100 كم استام قورشاۋ ورناتىلادى.
كولىكتەگى پوليسيا مەن تاسىمالداۋشى كومپانيا جەلىلىك بولىمشەلەرىنىڭ باسشىلارى تەمىرجولدار بويىنداعى وقىس وقيعالاردى ازايتۋ امالدارىن قاراستىرىپ جاتىر، دەپ حابارلايدى Almaty-akshamy.kzElorda.info سايتىنا سىلتەمە جاساپ.
كەڭەستە اتالىپ وتكەندەي، تەمىرجولدار بويىنداعى وقىس وقيعالار الماتى، شىمكەنت، اقمولا جانە قىزىلوردا جول بولىمشەلەرىنىڭ ايماقتارىندا كوپ تىركەلگەن. نەگىزگى سەبەپ – ادامداردىڭ ابايسىزدىعى جانە قاۋىپتىلىگى جوعارى ايماقتا ەرەجەلەردىڭ ساقتالماۋى.
قتج-داعى ماگيسترال وبەكتىلەرىندە تۇراقتى نەگىزدە ۇيىمداستىرۋ-تەحنيكالىق ءىس-شارالارى جۇرگىزىلىپ كەلەدى. ادامداردىڭ جولعا رۇقساتسىز شىعۋىنا توسقاۋىل قويۋ ءۇشىن ستانسيالاردا شامامەن 300 كم قورشاۋ ورناتىلعان. ءبىلىم بەرۋ مەكەمەلەرىندە تۇسىندىرۋ-پروفيلاكتيكالىق جۇمىستارعا كوپ كوڭىل بولىنەدى. ءتارتىپ ساقشىلارىمەن بىرلەسكەن رەيدتەر جۇرگىزىلەدى.
2024 جىلدىڭ سوڭىنا دەيىن استانا - اقتوبە، استانا - اتىراۋ، استانا - زاششيتا، الماتى - ماڭعىشلاق، الماتى - جەزقازعان، استانا - ورال ۋچاسكەلەرىندەگى تەمىرجولدار بويىندا 100 شاقىرىمنان استام قورشاۋ ورناتۋ جوسپارلانىپ وتىر. سونداي-اق، جاڭاارقا (قاراعاندى وبلىسى)، جىڭىشكە (اقتوبە وبلىسى)، دوستىق (الماتى وبلىسى) ستانسيالارىندا جەرۇستى جاياۋ جۇرگىنشىلەر وتكەلدەرىن سالۋ كوزدەلگەن.