«ءبىرىڭعاي ساتىپ الۋ تەرەزەسى» جوباسىن ىسكە اسىرۋ اياسىندا 7 ميلليارد تەڭگەدەن استام قاراجات ۇنەمدەلدى.
بۇل تۋرالى اگەنتتىكتىڭ قوعامدىق كەڭەسىنىڭ 1ء-شى كوشپەلى وتىرىسى بارىسىندا سىبايلاس جەمقورلىققا قارسى قىزمەت حابارلادى.
وتىرىس بارىسىندا الماتى قالاسىنىڭ قوعام وكىلدەرىن اگەنتتىك پەن ازاماتتىق سەكتوردىڭ بىرلەسكەن جۇمىسىنىڭ ناتيجەلەرىمەن تانىستىردى.
بۇگىنگى تاڭدا جۇرتشىلىقپەن جۇمىس بارىسىندا قوعامدىق كەڭەستىڭ قاتىسۋىمەن سىبايلاس جەمقورلىق تاۋەكەلدەرى كارتاسىنىڭ ءاربىر سالاسى بويىنشا جۇمىس توپتارى قۇرىلىپ، قازىردە جەكەلەگەن سالالاردا وڭ ناتيجەلەر بار.
ماسەلەن، جەر قاتىناستارى سالاسىندا 1،2 ملرد. تەڭگە سوماسىنا 16 گەكتاردان استام جەر مەملەكەت مەنشىگىنە قايتارىلدى.
قوعامدىق كەڭەستىڭ ءتوراعاسى مارات باشيموۆ سىبايلاس جەمقورلىققا قارسى قىزمەتتىڭ قوعاممەن سىندارلى ارىپتەستىگىنىڭ ماڭىزدىلىعىن اتاپ ءوتتى.
ءوز كەزەگىندە سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ 1ء-شى ورىنباسارى دميتريي مالاحوۆ:
«سىبايلاس جەمقورلىققا قارسى ءىس-قيمىلدا ازاماتتىق قوعامنىڭ رەسۋرستارىن پايدالانۋ قاجەت. بۇل تاجىريبەنىڭ ءارتىقشىلىعى-وزارا اقپارات الماسۋ، ناقتى شەشىمدەردى بىرلەسىپ تالقىلاۋ جانە ازىرلەۋ، باعدارلامالاردى كەشەندى ازىرلەۋ جانە نورماتيۆتىك اكتىلەرگە قوعامدىق ساراپتاما جۇرگىزۋ بولىپ تابىلادى. جۇرتشىلىقپەن ۇيلەسىمدى جۇمىس ەكونوميكالىق جانە الەۋمەتتىك ماسەلەلەردى جەدەل قاراۋدى جانە ساپالى شەشۋدى قامتاماسىز ەتەدى».
قازىرگى ۋاقىتتا كارتاعا 6 سالا كىردى: قۇرىلىس جانە تۇرعىن ءۇي، ەكونوميكا جانە قارجى، ەكولوگيا، جەر، فيسكالدىق جانە الەۋمەتتىك سالالار.
قالالىق سىبايلاس جەمقورلىققا قارسى ۆەدومستۆو اتاپ وتكەندەي اعىمداعى جىلى دەپارتامەنت جۇمىسىنىڭ نەگىزگى باعىتى ەكولوگيا سالاسىنداعى پروبلەمالىق ماسەلەلەردى شەشۋگە باعىتتالاتىن بولادى.
