2023 جىلدان باستاپ 1433 انىقتاما نومىرىنە قوڭىراۋ شالۋ قالالىق جانە ۇيالى نومىردەن تەگىن بولادى.
بيىلدان باستاپ تەمىرجول ۆوكزالدارىنىڭ انىقتاما قىزمەتىنە ۇيالى تەلەفوننان تەگىن قوڭىراۋ شالۋعا بولادى. بۇل تۋرالى سەنات دەپۋتاتتارىنىڭ ساۋالىنا پرەمەر-مينيستر ءاليحان سمايىلوۆتىڭ جاۋابىندا ايتىلعان، دەپ حابارلايدى Almaty-akshamy.kz.
"1433 انىقتاما نومىرىنە قوڭىراۋ شالۋ قۇنى قالالىق نومىردەن مينۋتىنا 0 تەڭگەنى، ۇيالى تەلەفوننان مينۋتىنا 25 تەڭگەنى قۇرايدى. قازىرگى ۋاقىتتا كيلەنتكە باعدارلانۋدى ارتتىرۋ ماقساتىندا «انىقتاما قىزمەتىن» جەتىلدىرۋ جۇمىستارى جۇرگىزىلىپ جاتىر. ناقتىراق ايتقاندا، 2023 جىلدان باستاپ 1433 انىقتاما نومىرىنە قوڭىراۋ شالۋ قالالىق جانە ۇيالى نومىردەن تەگىن بولادى"، - دەلىنگەن ۇكىمەت باسشىسىنىڭ جاۋابىندا.