قازاقستاندا تەمەكىنىڭ ەڭ تومەنگى بولشەك ساۋدا باعاسى كوتەرىلەدى، - دەپ حابارلايدى اlmaty-akshamy.kz.
قارجى مينيسترلىگىنىڭ مەملەكەتتىك كىرىستەر كوميتەتى مالىمەتىنشە، 15 شىلدەدە "سۇزگىسى بار، سۇزگىسى جوق تەمەكىلەرگە، پاپيروستار مەن سيگاريللاعا جانە قىزدىرىلاتىن تەمەكى بۇيىمدارىنا ەڭ تومەنگى بولشەك باعانى بەلگىلەۋ تۋرالى" وزگەرتىلگەن بۇيرىق كۇشىنە ەنەدى.
"مىناداي ەڭ تومەنگى بولشەك باعالار قولدانىلاتىن بولادى: سۇزگىسى بار، سۇزگىسى جوق 20 (جيىرما) پاپيروستار، سيگاريللالارعا جانە قىزدىرىلاتىن تەمەكى بۇيىمدارىنا 2024 جىلعى 15 شىلدەدەن باستاپ 31 جەلتوقساندى قوسا العاندا - 820 تەڭگە، 2025 جىلعى 1 قاڭتاردان باستاپ - 870 تەڭگە"، - دەلىنگەن حابارلامادا.