ەفيرلىك جەلىلەردىڭ تەحنيكالىق قۇرالدارىندا جوسپارلى-پروفيلاكتيكالىق جۇمىستار ىستەلەدى.
ەل اۋماعىندا تەلەراديوارنالاردى رەترانسلياسيالاۋ ۋاقىتشا توقتاتىلادى، دەپ حابارلايدى Almaty-akshamy.kz «قازتەلەراديو» ۇلتتىق وپەراتورىنا سىلتەمە جاساپ.
20 قازاندا ساعات 03:00 مەن 17:00 ارالىعىندا جەرسەرىكتىك، سيفرلىق جانە انالوگتى ەفيرلىك جەلىلەردىڭ تەحنيكالىق قۇرالدارىنداعى سەرۆيستەر جابىلىپ، جوسپارلى-پروفيلاكتيكالىق جۇمىستار جۇرگىزىلەدى.
وسىعان بايلانىستى، ياعني جۇمىستار جۇرگىزىلگەن كەزدە قازاقستاننىڭ بارلىق اۋماعىندا تەلەراديوارنالاردى رەترانسلياسيالاۋ ۋاقىتشا توقتاتىلادى.
«قازتەلەراديو» اق توقسان سايىن جەرسەرىكتىك جانە ەفيرلىك جەلىلەردىڭ تەحنيكالىق قۇرالدارىندا سەرۆيستەردى جابا وتىرىپ، جوسپارلى-پروفيلاكتيكالىق جۇمىستار ىستەلەدى. بۇل جۇمىستار تەلەراديو حابارلارىن ساپالى تاراتۋدى قامتاماسىز ەتۋ ءۇشىن قاجەت، ال توقسان سايىنعى جوسپارلى-پروفيلاكتيكالىق جۇمىستار سەرۆيستى ۇزاق ۋاقىت وشىرۋگە مۇمكىندىك بەرەدى، سوندىقتان وسى ۋاقىت ىشىندە تەحنيكالىق قۇرالداردى جاڭعىرتۋ بويىنشا قوسىمشا جۇمىستار دا ىستەلەدى. ۋاقىتشا قولايسىزدىقتار ءۇشىن كەشىرىم وتىنەمىز، - دەلىنگەن حابارلامادا.