Telegram مەسسەندجەرىندە جاڭا مۇمكىندىك – stories ىسكە قوسىلدى. ول ەكراننىڭ جوعارعى جاعىندا ورنالاسقان جانە تەك پرەميۋم جازىلىمىنىڭ يەلەرىنە عانا قولجەتىمدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
تامىز ايىنان باستاپ بۇل مۇمكىندىك بارلىعىنا قولجەتىمدى بولادى. ازىرشە ادامدار باسقا اككاۋنتقا جازىلماسا دا، ولاردىڭ يستورياسىن كورە الادى.
Stories جاريالاۋ ءۇشىن قولدانبانىڭ جوعارعى جولاعىندا – «حابار جازۋ» تۇيمەسىنىڭ جانىنداعى بەلگىشەنى باسۋ كەرەك. ول بارلىق پايدالانۋشىعا، بارلىق كونتاكتىگە نەمەسە الدىن الا تاڭدالعان كونتاكتىگە نەمەسە «جاقىن دوستارعا» قول جەتىمدى بولۋى مۇمكىن.
فوتو مەن ۆيدەونى وڭدەپ، اسەمدەپ، ونىڭ قولجەتىمدى بولۋ ۇزاقتىعىن – 6، 12، 24 نەمەسە 48 ساعات دەپ بەلگىلەپ، جاريالاۋعا بولادى.
26 ماۋسىمدا Telegram نەگىزىن قالاۋشى پاۆەل دۋروۆ ماۋسىم ايىنىڭ سوڭىندا جاڭا فۋنكسيا پايدا بولاتىنى تۋرالى حابارلادى. سودان كەيىن ول پايدالانۋشىلار ءار storiesء-تى كىم كورە الاتىنىن انىقتاي الاتىنىن اتاپ ءوتتى: بارلىعى، تەك كونتاكتىلەر، بىرنەشە تاڭدالعان كونتاكتىلەر نەمەسە جاقىن دوستار.
بۇعان دەيىن WhatsApp كونتاكتىلەردى ساقتاماۋعا مۇمكىندىك بەرەتىن فۋنكسيانى ەنگىزگەن ەدى.