Almaty_Joly چات-بوتى: الماتى جولىنىڭ جاعدايىن حابارلاۋدىڭ ىڭعايلى ءتاسىلى
الماتى تۇرعىندارى بيىل دا وتكەن جىلداعىداي جولداعى شۇڭقىرلار مەن باسقا دا اقاۋلار تۋرالى ارنايى @AlmatyJolybot (https://t.me/AlmatyJolybot) Telegram ارناسى ارقىلى حابارلاي الادى. Aرنا قالانىڭ جول ينفراقۇرىلىمىنا ارنالعان، دەپ حابارلايدى aqshamnews.kz
ءوتىنىش بەرۋ ءۇشىن قاجەت:
• ماتىندىك سيپاتتاما؛
• جولدىڭ اقاۋىن كورسەتەتىن فوتو/ۆيدەو؛
• مەكەنجاي مەن ناقتى كوورديناتتار؛
• بايلانىس مالىمەتتەرى.
تۇسكەن ءوتىنىش قارالىپ، ءاربىر جاعداي بويىنشا ءتيىستى شارالار قابىلدانادى. ءوتىنىش پەن ۇسىنىس تەك رەسمي ارنالار ارقىلى قابىلدانادى، ال الەۋمەتتىك جەلىلەردەگى پىكىرلەر مەن جازبالار ۇنەمى قاراستىرىلا بەرمەيدى.
2024 جىلدىڭ ءساۋىر ايىنان باستاپ @AlmatyJolybot چات-بوتىنا تۇرعىنداردان 2 000-نان استام ءوتىنىش پەن ۇسىنىس كەلىپ ءتۇستى. بارلىق ءوتىنىش بويىنشا جاۋاپ بەرىلىپ، ماسەلەنى شەشۋ مەرزىمى كورسەتىلدى.
ايتا كەتەيىك، الماتىدا جول ينفراقۇرىلىمىن جوندەۋ جۇمىستارى بيىل اقپان ايىندا – بەلگىلەنگەن مەرزىمنەن بۇرىن باستالدى. وسى ماقساتتا ەنەرگيا ۇنەمدەيتىن قوسپاسى بار «جىلى اسفالت» شىعاراتىن اسفالت-بەتون زاۋىتى پيلوتتىق رەجيمدە ىسكە قوسىلدى.
سونىمەن قاتار، كۇن جىلىنعاننان كەيىن اۋدان اكىمدىكتەرى كوشە-جول جەلىسىنە اعىمداعى (شۇڭقىرلى جوندەۋ) جوندەۋ جۇمىستارىن باستايدى. ءار اۋدان بويىنشا شامامەن 30 000 شارشى مەتر جول جامىلعىسى جوندەلەدى.
بۇعان قوسا، جازعى كەزەڭدە 300 كم جولعا ورتاشا جوندەۋ جۇرگىزۋ جانە 35 كم جاڭا جول سالۋ جوسپارلانعان.