«پرەزيدەنتتىڭ قولداۋى – تەاتر سالاسىنداعى بارلىق قىزمەتكەرلەر ءۇشىن ۇلكەن ىنتالاندىرۋ»: اباي اتىنداعى قازۇوبت ديرەكتورىنىڭ ورىنباسارى
ۇلتتىق قۇرىلتايدىڭ IV وتىرىسىندا پرەزيدەنت قاسىم-جومارت توقايەۆ: «تەاترلاردىڭ دامۋى – كەز كەلگەن ەلدىڭ مادەني دەڭگەيىنىڭ ماڭىزدى كورسەتكىشتەرىنىڭ ءبىرى» ەكەنىن اتاپ ءوتتى. مەملەكەت باسشىسى بيزنەستى وڭىرلەردەگى تەاترلاردى قولداۋعا بەلسەندى قاتىسۋعا شاقىردى.
اباي اتىنداعى قازاق ۇلتتىق وپەرا جانە بالەت تەاترى ديرەكتورىنىڭ ورىنباسارى قانات قاراجانوۆ مەملەكەت باسشىسىنىڭ بۇل سالاعا كوڭىل ءبولۋىن تەاتر قىزمەتكەرلەرى ءۇشىن ۇلكەن ىنتالاندىرۋ ەكەنىن اتاپ ءوتتى.
— بۇل بىزگە بۇدان دا بەلسەندىرەك جۇمىس ىستەۋگە، كورەرمەندەردى جاڭا جوبالارمەن قۋانتا تۇسۋگە جول اشادى. شىن مانىندە، بۇگىنگى تاڭدا تەاترعا دەگەن سۇرانىس ارتىپ كەلەدى، ادامداردىڭ وسى ونەر تۇرىنە جاقىنداسۋعا دەگەن قىزىعۋشىلىعى ارتۋدا. اسىرەسە، كورەرمەندەر اراسىندا جاستاردىڭ بولۋى قاتتى قۋانتادى.
پرەزيدەنت تەاترلاردىڭ قاجەتتىلىگى مەن ءوسىپ كەلە جاتقان تانىمالدىعىن عانا ەمەس، سونىمەن قاتار پروبلەمالىق ماسەلەلەردى دە اتاپ ءوتتى. مەملەكەت باسشىسى ءارتۇرلى ەتنوستاردىڭ تەاترلارىن قولداۋعا، سونداي-اق وڭىرلەردەگى ونەر وردالارىنا كومەكتەسۋگە شاقىردى. ويتكەنى ولاردىڭ كوبىنىڭ جاعدايى قيىن. پرەزيدەنت تەاترلاردى دامىتۋدا باسىمدىقتى وڭىرلەرگە بەرۋگە شاقىردى. مەملەكەتتىڭ وسىنداي قولداۋىن سەزىنۋ – وتە قۋانىشتى ءارى ماڭىزدى، – دەدى قانات قاراجانوۆ.