قازاقستاننىڭ مادەنيەت جانە اقپارات مينيسترلىگى زاڭعا وزگەرىس ەنگىزىپ، تelegram-ارنالاردى تىركەۋدەن وتۋگە مىندەتتەمەك.
ال، رەسمي تىركەۋدەن وتكەن تelegram-ارنالار ءانونيمدى تۇردە جۇمىس ىستەي المايدى. بۇل تۋرالى مينيستر ايدا بالايەۆا ءمالىم ەتتى، دەپ حابارلايدى aqshamnews.kz.
«ءقازىر ءانونيمدى telegram-ارنالار وتىرىكتىڭ، مانيپۋلياسيا مەن پروۆوكاسيانىڭ ورداسىنا اينالدى، حالىقتىڭ كوڭىل-كۇيىنە اسەر ەتىپ، جالعان اقپارات تاراتادى. بۇعان ەندى كوز جۇما قاراپ وتىرۋ مۇمكىن بولماي كەتتى، سوندىقتان، مينيسترلىك ولاردى انىقتاپ، بۇعاتتاۋ ءۇشىن جۇمىس ىستەپ جاتىر. ءبىزدىڭ پوزيسيامىز ناقتى – ادەيى جالعان اقپارات تاراتىپ، اقپارات ايدىنىن تۇراقسىز ەتكەندەرگە جاۋاپكەرشىلىكتى كۇشەيتەمىز. مەنىڭ ويىمشا، ءانونيمدى جۇمىس ىستەۋ ءتاسىلى – پروۆوكاتورلار ءۇشىن ءتيىمدى بولماۋى كەرەك جانە ەرەجە بارىنە ورتاق. بۇل باعىتتا جاقسى ناتيجە بار، ماسەلەن، Qir sabyn ارناسى. مەنىڭ ويىمشا، Telegram اكىمشىلىگىمەن كەلىسسوز باستايتىن ۋاقىت جەتتى»، - دەيدى بالايەۆا ۇكىمەتتەگى بريفينگتە.
كەيىن كۋلۋاردا Azattyk Ryhy ءتىلشىسىنىڭ سۇراعىنا جاۋاپ بەرگەن بالايەۆا ولاردى انىقتاپ، بۇعاتتاۋ ءۇشىن ناقتى قانداي شارا قولدانباق ەكەنىن ءتۇسىندىردى.
«ءبىز زاڭ بويىنشا بۇكىل Telegram-ارنالاردى تىركەۋدەن وتۋگە مىندەتتەپ، سول كانالدا شىعاتىن كونتەنت ءۇشىن ءبىر ادامدى جاۋاپتى ەتەمىز. ولار زاڭ اياسىندا جۇمىس ىستەۋ كەرەك. ءانونيمدى ارنالاردىڭ جۇمىسى ءبىزدىڭ رەسمي باق-تارعا اسەر ەتىپ وتىر»، - دەدى بالايەۆا.