تەلەفوننىڭ SIM-كارتاسىن اراعا قانشا ۋاقىت سالىپ اۋىستىرعان دۇرىس؟

SIM-كارتا – مالىمەتتەردى ساقتايتىن قۇرىلعى

تەلەفوننىڭ SIM-كارتاسى فيزيكالىق تۇرعىدا توزىپ، ىستەن شىققانىن كۇتىپ وتىرۋعا بولمايدى. بۇل تۋرالى تەلەكوممۋنيكاسيا سالاسىنىڭ ساراپشىسى گريگوريي لىسەنكو Sputnik راديوسىنا بەرگەن سۇحباتىندا ايتتى، دەپ حابارلايدى Almaty-akshamy.kz.

ونىڭ ايتۋىنشا، SIM-كارتا ابدەن ەسكىرىپ، توزعان جاعدايدا بايلانىس ساپاسى ناشارلاپ، ساقتالعان دەرەكتەر جوعالا باستايدى. ويتكەنى SIM-كارتا – مالىمەتتەردى ساقتايتىن قۇرىلعى، ياعني كومپيۋتەردىڭ جەدەل جادى ديسكىسى سياقتى. ءبىز ونىڭ جادىنا جاڭا دەرەكتەردى قوسقاندا نەمەسە ەسكى دەرەكتەردى جويعان كەزدە ول ەسكىرە بەرەدى، سوندىقتان ونى ءار تورت-بەس جىل سايىن اۋىستىرىپ وتىرۋ كەرەك، دەپ سانايدى رەسەيلىك ساراپشى.

«جادى ۇياشىقتارىنىڭ فيزيكالىق توزۋىنا بايلانىستى SIM-كارتا ەسكىرەدى. ياعني SIM-كارتا كومپيۋتەر مەن سمارتفوننىڭ جەدەل جادى ديسكىسى سەكىلدى، وعان مالىمەتتەر كەلىپ، ساقتالىپ تۇرادى. SIM-كارتا توزىپ، ىستەن شىعۋ ءۇشىن 10-15 جىل كەرەك. دەگەنمەن، ونىڭ الدىن الۋ ماقساتىندا SIM-كارتانى ءجيى اۋىستىرىپ تۇرعان ءجون. ونىڭ تورت-بەس جىلدا ءبىر جاساپ تۇرعان دۇرىس»،-دەيدى گريگوريي لىسەنكو.

كەيدە SIM-كارتانىڭ  قىزمەت ەتۋى ءتورت جىلعا دا جەتپەي قالادى ەكەن، سوندىقتان كەيبىر تەلەفون يەلەرى ونى ءجيى اۋىستىرىپ تۇرادى.

«تەلەكوممۋنيكاسيا كومپانيالارىنىڭ كەيبىر كليەنتتەرى SIM-كارتانى ءجيى اۋىستىرادى. ونىڭ باستى سەبەبى – قوڭىراۋدىڭ، ياعني بايلانىستىڭ از بولۋىنان. سونداي-اق SIM-كارتانىڭ ىشكى باپتاۋلارىنىڭ بارلىعى دۇرىس قويىلعانىمەن ونى جەلىگە تىركەۋ مۇمكىن بولماي قالاتىن كەزدەر ورىن الادى. مۇنداي جاعدايدا دا SIM-كارتانى اۋىستىرادى،-دەيدى ساراپشى.