كۇتۋشىنى جۇمىسپەن قامتۋ اگەنتتىگى ارقىلى تاپقان
پوليسيا قىزمەتكەرلەرى جەدەل-ىزدەستىرۋ شارالارىنىڭ بارىسىندا ءىرى ۇرلىق جاسادى دەگەن كۇدىكپەن 22 جاستاعى قىزدى ۇستادى، دەپ حابارلايدى Almaty-akshamy.kz نۇر-سۇلتان قالاسى پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
2021 جىلدىڭ قاراشا ايىنان باستاپ قازىرگى ۋاقىتقا دەيىن كۇتۋشى بولىپ جۇمىس ىستەيتىن قىز جۇمىس بەرۋشىدەن 1 ميلليون تەڭگە كولەمىندە اقشا، زەرگەرلىك بۇيىمدار، گادجەت جانە كيىمدەر ۇرلاپ كەلگەن.
ارىزدانۋشىنىڭ ايتۋىنشا، ول كۇتۋشىنى جۇمىسپەن قامتۋ اگەنتتىگى ارقىلى تاپقان.
باستاپقىدا قىز ەكى بالاعا قاراپ، سەنىمگە كىرىپ، وتباسىن جۇيەلى تۇردە توناي باستاعان. باسىندا اقشا جوعالا باستادى، ونى جابىرلەنۋشى بايقامادى.
كۇتۋشى التىن بۇيىمداردى، كيىم-كەشەك پەن گادجەتتى ۇرلاي باستاعاندا كۇدىكتەنە باستاعان ءۇي يەسى پوليسياعا حاباراعان.
كۇتۋشى تۇراتىن بولمەنى تەكسەرۋ بارىسىندا پوليسەيلەر ۇرلانعان زاتتاردىڭ ءبارىن تاۋىپ، تاركىلەدى.
اتالعان ءىس بويىنشا سوتقا دەيىنگى تەرگەۋ امالدارى ءجۇرىپ جاتىر.
كۇدىكتى ءوز كىناسىن مويىنداپ، ەلوردا اۋماعىندا بۇرىن جاسالعان وسىعان ۇقساس قىلمىستارعا قاتىسى بار-جوعى تەكسەرىلۋدە.
نۇر-سۇلتان قالاسىنىڭ پوليسيا دەپارتامەنتى ازاماتتارعا بەيتانىس ادامدارعا سەنبەۋدى جانە باعالى زاتتاردى قاراۋسىز قالدىرماۋدى ەسكەرتەدى.