تەلەفوندى سۇراي تۇرىپ، سوڭىنان قاعىپ كەتۋ

الماتىلىق ازامات وسى ارەكەتىن  كاسىپكە اينالدىرعان.

الماتى پوليسياسى تالدىقورعان، شىمكەنت، تاراز قالالارى مەن اقتوبە وبلىسىندا ءبىرقاتار الاياقتىق پەن ۇرلىق جاساعان كۇدىكتىنى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.

«جاس جىگىتتىڭ وسى جىلدىڭ شىلدە ايىندا الماتىعا اقشا تابۋ ءۇشىن كەلگەنى بەلگىلى بولدى. ول قوڭىراۋ شالۋ ءۇشىن ءوتىپ بارا جاتقانداردان تەلەفون سۇراعان. نومىرلەردىڭ كومبيناسياسىن تەرەتىندەي كەيىپ تانىتىپ، وقيعا ورنىنان كەتىپ قالعان، سودان كەيىن ۇيالى تەلەفونداردى ساتىپ، العان اقشاسىن ءوز قاجەتتىلىكتەرىنە جۇمساعان. ءبىزدىڭ بولىمشەنىڭ جەدەل ۋاكىلدەرى كۇدىكتىنى ۇستادى. ءقازىر ونىڭ ءۇش الداۋ دەرەگىنە قاتىسى بار ەكەنى انىقتالدى. ول بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 190-بابى 3-بولىگىنە (الاياقتىق) سايكەس قىلمىستىق ءىس تىركەلدى»، – دەيدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.

ءقازىر كۇدىكتى قاماۋعا الىندى. ال پوليسەيلەر  الدانعانداردىڭ ودان دا كوپ بولۋى مۇمكىن ەكەنىن جوققا شىعارمايدى. كۇدىكتىنى تانىعان جاعدايدا ءتارتىپ ساقشىلارى، ازاماتتاردى مىنا تەلەفون نومىرلەرىنە حابارلاسۋعا شاقىرادى: 8-705-555-77-63 جانە 8-778-591-91-35. ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.

ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.