ول بۇعان دەيىن دە قىلمىستىق جاۋاپكەرشىلىككە تارتىلعان.
الماتىدا «قالتا ۇرىسى» ءسابيلى ايەلدى توناپ كەتتى، دەپ حابارلايدى اlmaty-akshamy.kz Polisia.kz سايتىنا سىلتەمە جاساپ.
بۇل قىلمىس الماتىنىڭ ناۋرىزباي اۋدانىندا تاپا-تال تۇستە ورىن العان. قاسكوي قاسىنان ءوتىپ بارا جاتقان ادامنىڭ كۇرتەسىنىڭ قالتاسىنان ۇيالى تەلەفونىن ۇرلاپ كەتكەن.
«ول جابىرلەنۋشىنىڭ بوس ەمەستىگىن پايدالاندى: ونىڭ قولىندا نارەستەسى بولدى. بۇل كەزدە جابىرلەنۋشى بالانى ارباعا وتىرعىزىپ جاتتى، بەيتانىس جىگىتتىڭ قالتاسىنان ءموبيلدى قۇرىلعىنى قالاي سۋىرىپ العانىن بايقاماي قالدى. ايەل ۇرلىق بولعانىن بىردەن بىلمەدى. ارىز تۇسكەننەن كەيىن ءبىزدىڭ بولىمشەنىڭ كريمينالدىق پوليسيا ءبولىمىنىڭ قىزمەتكەرلەرى ىزدەستىرۋ شارالارىنا قوسىلدى. ناتيجەسىندە كۇدىكتى ۇستالدى جانە قاماۋعا الىندى. ول 35 جاستا، بۇعان دەيىن قىلمىستىق جاۋاپكەرشىلىككە تارتىلعان. قازىرگى تاڭدا ونىڭ بوتەننىڭ مۇلكىن ۇرلاۋدىڭ ەكى فاكتىسىنە قاتىسى بار ەكەنى دالەلدەندى»، – دەپ قورىتىندىلادى ناۋرىزباي اۋداندىق پوليسيا باسقارماسىنىڭ باستىعى ديدار احانوۆ.