ەلىمىزدەگى اتاۋلى الەۋمەتتىك كومەك الاتىن ازاماتتار ءۇشىن قاراستىرىلعان مۇمكىندىكتەر مەن جەڭىلدىكتەر ىشىندە تەليەۆيزيالىق ابونەنتتىك جالعامالاردى تەگىن ورناتۋ دا بار.
قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ سيفرلىق ەفيرلىك تەليەۆيزياعا كەزەڭ-كەزەڭىمەن كوشۋ جونىندەگى بۇيرىعىنا سايكەس، 2021 جىلعى 1 اقپاننان باستاپ الماتى قالاسىندا سيفرلىق ەفيرلىك تەليەۆيزياعا كوشۋ جۇزەگە اسىرىلىپ كەلەدى.
ساندىق تەلەديدار جوعارى ساپالى كەسكىن مەن دىبىستى الۋعا مۇمكىندىك بەرەدى. سونىمەن قاتار، تەلەارنالار مەن باعدارلامالاردىڭ ۇلكەن تاڭداۋىن ۇسىنادى. ەسكى ۇلگىدەگى سيگنال سىرتقى اسەرلەرگە وتە وسال. مىسالى، اۋا رايىنىڭ قولايسىزدىعىنا بايلانىستى جانە قاتتى جەلدە جوعالىپ كەتۋى مۇمكىن. ساندىق حابار تاراتۋ جوعارى قورعانىس دەڭگەيىنە جانە سيگنال ساپاسىنا يە، ول ۇزاق قاشىقتا قابىلدانادى. ەندى انالوگتىق حابار تاراتۋ پرينسيپ بويىنشا جۇمىس ىستەيدى: ءبىر تاراتقىش – ءبىر ارنا. ساندىق ءبىر تاراتقىشتا كوپتەگەن ارنانى تاراتۋعا مۇمكىندىك بەرەدى.
قازاقستان رەسپۋبليكاسىنىڭ «تەلەراديو حابارلارىن تاراتۋ تۋرالى» زاڭىنا سايكەس، مەملەكەتتىك اتاۋلى الەۋمەتتىك كومەك الۋشى جەكە تۇلعالاردى تەليەۆيزيالىق ابونەنتتىك جالعامالارمەن (ق ر ۇكىمەتىنىڭ 8.11.2016 جىلعى № 677 قاۋلىسى) قامتاماسىز ەتۋ قاعيدالارى بەكىتىلدى. وعان سايكەس، ااك الۋشىلار وتەۋسىز نەگىزدە تەليەۆيزيالىق ابونەنتتىك جالعامالارمەن قامتاماسىز ەتىلەدى، ياعني ولارعا تەگىن جەتكىزىلىپ، ورناتىپ بەرىلەدى.
2017–2022 جىلدار ارالىعىندا الماتى قالاسىندا ااك الۋشى 864 وتباسى وسىنداي تەگىن جالعامالارمەن قامتاماسىز ەتىلدى. ال بيىل ااك الۋشىلاردى 50 جالعامامەن قامتاماسىز ەتۋ جوسپارلانعان.
مەملەكەتتىك اتاۋلى الەۋمەتتىك كومەك الۋشى جەكە تۇلعالار وسىنداي تەگىن مۇمكىندىككە يە بولۋ ءۇشىن تۇرعىلىقتى تۇراتىن جەرى بويىنشا الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ اۋداندىق بولىمدەرىنە ءوتىنىش بەرىپ، ونىڭ ااك الۋشى ەكەندىگى تۋرالى انىقتاماسىن قوسا ۇسىنۋى قاجەت.
مەملەكەت ۇسىنىپ وتىرعان مۇمكىندىكتى جىبەرىپ الماڭىز، اعايىن!