11-12 جەلتوقساندا "اتاكەنت" كورمە ورتالىعىندا Tech Cup Almaty روبوتوتەحنيكا جانە دروندار بويىنشا IX اشىق چەمپيوناتى وتەدى.
چەمپيوناتقا ەلىمىزدىڭ بارلىق وڭىرلەرىنەن 6-22 جاس ارالىعىنداعى وقۋشىلار مەن ستۋدەنتتەر قاتىسادى. جارىسقا 2500-دەن استام وقۋشى، ونىڭ ىشىندە اۋىل مەكتەپتەرىنەن دە قاتىسادى، دەپ حابارلايدى Almaty-akshamy.kz
وقۋ-اعارتۋ مينيسترلىگىنىڭ مالىمەتىنشە، جاس ونەرتاپقىشتار روبوتتار مەن دروندارمەن ويىنىندا جارىسىپ قانا قويماي، «ونەردەگى عىلىمي يننوۆاسيالار» تاقىرىبىندا وزدەرىنىڭ يننوۆاسيالىق جوبالارىن ۇسىنادى.
چەمپيونات اياسىندا بارلىق قاتىسۋشىلار ءۇشىن شەبەرلىك سىنىپتارى، وقۋشىلار اراسىنان ستارتاپ-كاسىپكەرلەر اللەياسى، جەتەكشى IT-كومپانيالار سپيكەرلەرىنىڭ جانە قازاقستاننىڭ ۇزدىك جوعارى وقۋ ورىندارىنىڭ سەمينارلارى جوسپارلانعان. سونداي-اق پاۆيلون اۋماعىندا دۇنيەجۇزىلىك كود ساعاتى وتەدى.
جەڭىمپاز كوماندالار: ءۇندىستان، يندونەزيا، تۇركيا چەمپيوناتتارىنا قاتىسۋعا ليسەنزيالارمەن، 10 000 000 تەڭگەگە دەيىنگى اقشالاي سىيلىقتارمەن، قبتۋ، تۇران، Satpayev جانە SDU ۋنيۆەرسيتەتتەرىنە گرانتتارمەن ماراپاتتالادى.