اتالعان الەۋمەتتىك جەلى ارقىلى كەلگەن سەنىمسىز سىلتەمە سان سوقتىرۋى مۇمكىن...
سوڭعى ۋاقىتتا WhatsApp جانە Telegram مەسسەندجەرلەرىن پايدالانا وتىرىپ، ازاماتتاردى الداۋ جاعدايلارى جيىلەپ كەتتى، دەپ حابارلايدى Almaty-akshamy.kz.
Polisia.kz مالىمەتىنشە، كوبىنەسە الاياقتار ازاماتتاردىڭ اككاۋنتىنا سىلتەمە تۇرىندە زياندى باعدارلاما حاتىن جىبەرەدى. ادەتتە، سىلتەمەدە بالالارعا داۋىس بەرۋ، سىيلىقتار، ۇتىس ويىنى نەمەسە ءارتۇرلى تاقىرىپتارعا سۇراق-جاۋاپ، ساۋالناما جانە ت.ب. تۇرىندە بولادى. سىلتەمەنى باسقاننان كەيىن الاياقتار ازاماتتاردىڭ مەسسەندجەرىنە قول جەتكىزە الادى. ءارى قاراي جابىرلەنۋشىلەردىڭ شوتىنان قارىزعا اقشا سۇرايتىن ءماتىن جىبەرىلەدى. سونىمەن قاتار مۇنداي حاتتاردى الۋشىلار بۇل ناقتى ءوتىنىش دەپ سانايدى. اقشا الۋ ءۇشىن الاياقتار ءۇشىنشى تۇلعالاردىڭ شوتتارىن پايدالانادى.
وسىعان بايلانىستى ءىىم ازاماتتاردى قىراعى بولۋعا جانە تۋىستارىنان، دوستارىنان جانە تاعى باسقا تۇسكەن بولسا دا، كۇماندى سىلتەمەلەر بويىنشا وتپەۋگە شاقىرادى. مۇنداي حاتتاردى العان كەزدە ولاردى اشپاۋعا جانە جىبەرۋشىمەن بايلانىستى بىردەن دوعارۋدى ۇسىنامىز. ەگەر ءسىز سىلتەمەنى اشقان بولساڭىز، تىركەلگەن نەمەسە بايلانعان بوگدە قۇرىلعىلاردىڭ بار-جوعىن تەكسەرۋ قاجەت.
ول ءۇشىن WhatsAp جانە Telegram مەسسەندجەرلەر قوسىمشاسىندا باپتاۋلار، ودان ءارى – “قۇرىلعى بايلانىستىرۋ” (Telegram – دا – قۇرىلعىلار)، وندا پاراللەل قوسىلىستار كورسەتىلەدى. ەگەر قويىندىدا بوگدە قۇرىلعى بولسا، سەسسيادان شىعۋ كەرەك. جەكە دەرەكتەر مەن بايلانىستاردى قورعاۋ ءۇشىن مۇنداي پروسەدۋرانى مۇمكىندىگىنشە ءجيى جۇرگىزۋ ۇسىنىلادى.
اقپارات كوزى Polisia.kz سايتىندا: https://polisia.kz/whatsapp-zhane-telegram-messendzherlerinde-azamattardy-aldau-zhaghdajlary-zhiilep-ketti/