الماتىداعى سايران كولىنىڭ جاعاسىندا وتكەن تازالىق اكسياسى قوعامنىڭ ءتۇرلى وكىلدەرىن ءبىر ارناعا توعىستىردى. قالا تازالىعىن ساقتاۋعا شىققان جانداردىڭ اراسىندا ق ر ەڭبەك سىڭىرگەن قايراتكەرى، اكتريسا ليزا سەرىكوۆا، اكتەر باقىت تۋشايەۆ سىندى تالانتتى ونەر يەلەرى قورشاعان ورتانىڭ جاي-كۇيىنە بەيجاي قاراۋعا بولمايتىنىن ايتىپ، جۇرتتى تازالىقتى ساقتاۋعا ۇندەدى، دەپ حابارلايدى Aqshamnews.kz ءتىلشىسى.
"ءبىز ساحنادا ەلگە وي سالۋعا تىرىسامىز. ءبىراق بۇل جولى شىنايى ءومىردىڭ ساحناسىندامىز. تابيعات – بارىمىزگە ورتاق. سايران سەكىلدى سۋلى-نۋلى ورىنداردى ساقتاپ قالۋ – ءار ازاماتتىڭ مىندەتى"، – دەدى اكتريسا ليزا سەرىكوۆا.
ال تەاتر جانە كينو اكتەرى باقىت تۋشايەۆ بولسا، تازالىق مادەنيەتى ەڭ الدىمەن وتباسىنان باستالۋى ءتيىس دەگەن پىكىردە:
"ادامنىڭ مادەنيەتتىلىگى – ونىڭ قوقىستى قايدا تاستاعانىنان-اق كورىنەدى. تابيعاتقا جاناشىرلىقتى تەك سوزبەن ەمەس، ناقتى ارەكەتپەن كورسەتۋىمىز كەرەك. بۇل – ۇرپاق الدىنداعى جاۋاپكەرشىلىك"، – دەدى ول.
اكتەرلەردىڭ ايتۋىنشا، مۇنداي اكسيالار كوپشىلىككە وي سالىپ، تابيعاتتى كوزدىڭ قاراشىعىنداي ساقتاۋعا سەبەپ بولادى. كول جاعاسىن تازالاۋعا كەلگەندەر كۇنى بويى ارنايى سومكەلەرمەن قوقىس جيناپ، سايرانعا قايتا كورىك بەرۋگە اتسالىستى.