الماتىلىق زەينەتكەرلەر سكانديناۆيالىق سەرۋەندەۋدى قوقىس جيناۋمەن ۇشتاستىردى
الماتىدا بەلسەندى ۇزاق ءومىر ءسۇرۋ ورتالىعىنىڭ قىزمەتكەرلەرى مەن قىزمەت الۋشىلارى «الماتى – ءبىزدىڭ ورتاق ءۇيىمىز» قالالىق باستاماسى جانە «تازا قازاقستان» رەسپۋبليكالىق باعدارلاماسى اياسىندا ءوتىپ جاتقان «جارقىن كۇز» كۇزگى ناۋقانىن قولدادى.
ناۋقان اياسىندا «تازالىق – بارشامىزعا ورتاق ءىس» اتتى سپورتتىق پلوگگينگ ءوتتى. بەلسەندى ۇزاق ءومىر ءسۇرۋ ورتالىعىنىڭ قىزمەتكەرلەرى مەن قىزمەت الۋشىلارى سكانديناۆيالىق سەرۋەندەۋدى قالاداعى ساياباقتار مەن سكۆەرلەردە قوقىس جيناۋمەن ۇشتاستىردى.
قارت الماتىلىقتار «الماتى – ءبىزدىڭ ورتاق ءۇيىمىز» ناۋقانىن جالعاستىرعانى ءۇشىن قالا بيلىگىنە العىس ايتىپ، جاس ۇرپاقتى سۇيىكتى قالاسىن تازا ۇستاپ، قورعاۋعا، ۇيلەرىنىڭ اۋماعىن كۇتىپ-باپتاۋعا شاقىردى.
«قالا تازالىعى بارشاعا كەرەك جانە بۇل ورتاق ءىس»، – دەيدى زەينەتكەرلەر.
ايتا كەتەيىك، رەسپۋبليكا كۇنىنە وراي بەلسەندى ۇزاق ءومىر ءسۇرۋ ورتالىقتارىنىڭ بارلىق بولىمشەلەرىندە مەرەكەلىك كونسەرتتەر وتەدى.
