اسەم قالامىز الماتىنىڭ تازا بولۋىنا «Alatau aqparat» مەدياحولدينگى مەن «Almaty» تەلەكانالى ءوز ۇلەستەرىن قوستى.
الاتاۋ اۋدانى نۇركەنت ىقشام اۋدانىندا باس قوسقان اقپارات سالاسىنىڭ قىزمەتكەرلەرى، اۋلالار مەن كوشەلەردى قوقىستان تازارتتى. ازاماتتىق جاۋاپكەرشىلىك تانىتقان 50 جۋىق ادام، ءبىر ءۇيدىڭ بالاسىنداي تابيعاتىمىزدى تازالاۋدى يگى ءىس سانادى.
جۇمىلا كوتەرگەن جۇكتىڭ جەڭىل بولارى انىق. وسىلايشا تازالىقتى جانى سۇيەتىن اقپارات سالاسىنىڭ قىزمەتكەرلەرى ءبىر قولىنا كۇرەك ۇستاسا، ەكىنشى قولىنا قاپ ۇستادى. الماتىنى ءبىزدىڭ ورتاق ءۇيىمىز ەكەنىن كورسەتۋدى ماقسات ەتتى. قالانىڭ تازالىعى ارنايى مامانداردىڭ عانا ەمەس، ءاربىر تۇرعىننىڭ مىندەتى.
قورشاعان ورتامىزدى قورعاۋ جانە تازا ۇستاۋ ادامداردىڭ قولىندا. اسەم قالامىزعا دەگەن سۇيىسپەنشىلىك ونىڭ تابيعاتىن قۇرمەتتەۋدەن باستالادى.
قالامىزدىڭ سۇلۋلىعىن ساقتاۋ ءۇشىن كۇندەلىكتى ومىرىمىزگە تازالىق مادەنيەتىن قالىپتاستىرۋمىز كەرەك. وسى ورايدا، قالامىزدى تازالاۋ ءبىر بولەك، ونى لاستاماۋ كەرەكتىگىن دە ۇمىتپاعان ءجون. كوشەلەردە، اۋلالاردا جانە قوعامدىق ورىنداردا قوقىس تاستاماڭىز! الىپ شاھارمىزعا مەيىرىمدىلىكپەن قارايىق. الماتى – ءبىزدىڭ ورتاق ءۇيىمىز.
