قالا تۇرعىندارى مەن قوناقتارىنا ارنالعان ەرەكشە ەكو-اكسيا
قالالىق تۋريزم باسقارماسى Almaty Tourism Bureau-مەن بىرلەسىپ، قالا تۇرعىندارى مەن ونىڭ قوناقتارىن 30 ءساۋىر كۇنى ساعات 10:00-دەن 14:00-گە دەيىن «ايۋساي» مەن «گورەلنيك» ۆيزيت-ورتالىقتارىنىڭ اۋماعىندا وتەتىن «تازا تاۋلار: قوقىس جيناپ، تۇسكى استى تەگىن ال» اكسياسىنا شاقىرادى.
اكسيا «الماتى - ءبىزدىڭ ورتاق ءۇيىمىز» جالپىقالالىق ناۋقانى اياسىندا وتەدى. شارا جەرگىلىكتى تۇرعىندار مەن الەمنىڭ تۇكپىر-تۇكپىرىنەن كەلەتىن تۋريستەردىڭ سۇيىكتى دەمالىس ورنىنا اينالعان ىلە الاتاۋدىڭ بىرەگەي تابيعاتىنىڭ تازالىعىن ساقتاۋعا باعىتتالعان.
اكسياعا قالانىڭ بارشا تۇرعىندارى مەن قوناقتارى قاتىسا الادى. «ايۋساي» مەن «گورەلنيك» ۆيزيت-ورتالىقتارىنىڭ اۋماعىندا Visit Almaty ستەندتەرى قويىلادى. مۇندا نۇسقاۋلىقتار مەن كەڭەس بەرۋ شاراسى جۇرگىزىلەدى. قاتىسۋشىلار قوقىستى دورباعا سالىپ، ونى Visitalmaty ستەندتەرى تۇرعان جەردەن تەگىن تۇسكى اسقا ايىرباستاي الادى.
ءىس-شاراعا قاتىسۋ ءۇشىن ىڭعايلى قورعانىس كيىمى مەن اياق كيىم، باس كيىم، اۋىز سۋ، كۇننەن قورعايتىن كوزىلدىرىك پەن كرەم الۋ كەرەك.
تىركەلۋ جانە قوسىمشا اقپارات الۋ ءۇشىن: +7 701 727 6672 (جانىبەك)، +7 747 272 0098 (اسىلحان).
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.