قازاقستاندا «تازا قازاقستان» رەسپۋبليكالىق ەكولوگيالىق اكسياسى اياسىندا قالالار مەن ەلدى مەكەندەردىڭ اۋماقتارىن اباتتاندىرۋدىڭ ۇلگىلىك قاعيدالارىنا ءبىرقاتار وزگەرىستەر ەنگىزىلدى. بۇل تۋرالى ۇكىمەت وتىرىسىندا يندۋستريا جانە قۇرىلىس ءمينيسترى قانات شارلاپايەۆ مالىمدەدى. Aqshamnews.kz وسى ماڭىزدى وزگەرىستەر تۋرالى تولىق اقپارات ۇسىنادى.
ءمينيستردىڭ ايتۋىنشا، جاڭا قۇجاتتا نەگىزگى ۇعىمدار قايتا قارالىپ، ءبىرقاتار جاڭا تەرميندەر ەنگىزىلگەن. سونداي-اق ەلدى مەكەندەردەگى ينفراقۇرىلىم وبەكتىلەرىن كۇتىپ ۇستاۋ جانە اباتتاندىرۋ بويىنشا ءىس-شارالار ەگجەي-تەگجەيلى تولىقتىرىلعان.
جاڭارتۋلار مىنالاردى قامتيدى:
- جاياۋ جۇرگىنشىلەر مەن مۇگەدەكتەرگە قولايلى جاعداي جاساۋعا باسىمدىق بەرۋ؛
- ۆەلوسيپەد ينفراقۇرىلىمىن دامىتۋ؛
- ءۇي جانۋارلارىن سەرۋەندەتۋ اۋماقتارىن تازالاۋ جانە بيو-دارەتحانالار ورناتۋ؛
- جولداردى كۇتىپ ۇستاۋ؛
- عيماراتتار مەن قۇرىلىستاردىڭ سىرتقى كەلبەتىنە قويىلاتىن تالاپتاردى ناقتىلاۋ.
سونىمەن قاتار، وڭىرلەردەگى ەرەكشەلىكتەردى ەسكەرە وتىرىپ، اباتتاندىرۋدىڭ وڭىرلىك قاعيدالارى دا بەكىتىلدى. بۇل قاعيدالار اۋماقتاردى كۇتىپ ۇستاۋ شارالارىن كۇشەيتۋگە جانە ءاربىر ايماقتىڭ قاجەتتىلىكتەرىن قاناعاتتاندىرۋعا باعىتتالعان.
مينيستر «قالالاردى كەشەندى سالۋ ستاندارتى» قۇجاتىنىڭ ازىرلەنگەنىن دە اتاپ ءوتتى. بۇل ستاندارت جايلى قوعامدىق كەڭىستىكتەردى قۇرۋ، ساپالى تۇرعىن ءۇي مەن كوپسالالى قۇرىلىستى دامىتۋ ءۇشىن نۇسقاۋلىق رەتىندە قاراستىرىلادى. قۇجات جەرگىلىكتى اتقارۋشى ورگاندارعا قالالىق اۋماقتاردى دامىتۋدىڭ ەگجەي-تەگجەيلى جوسپارلارىن ازىرلەۋدە باسشىلىققا الۋ ءۇشىن جىبەرىلگەن.
بۇل جاڭارتۋلار قازاقستان قالالارى مەن اۋىلدارىن اباتتاندىرۋدى جاقسارتىپ، تۇرعىنداردىڭ ءومىر ساپاسىن ارتتىرۋعا باعىتتالعان ماڭىزدى قادام بولماق.