بۇگىن الماتى قالاسىندا رەسپۋبليكالىق «تازا قازاقستان» جانە قالالىق «الماتى –ورتاق ءۇيىمىز» كامپانياسى اياسىندا اۋقىمدى قالالىق سەنبىلىك ءوتتى.
شاراعا قالانىڭ بارلىق كوميۋنيتي-ورتالىقتارىنان 500-دەن استام رەزيدەنت قاتىستى. قاتىسۋشىلار تەك ورتالىقتاردىڭ ماڭايىن عانا ەمەس، ساياباقتار مەن سكۆەرلەر سياقتى قوعامدىق ورىنداردى دا تازارتۋعا بەلسەنە كومەكتەستى.
سەنبىلىككە قاتىسقان جاستار جىل بويى ەكولوگيالىق جاعدايدى جاقسارتۋعا باعىتتالعان اكسيالارعا ءداستۇرلى تۇردە قاتىساتىندارىن جەتكىزدى.
«ەكولوگيالىق اكسيالار — بۇل تەك قالانى تازارتۋ عانا ەمەس، تابيعاتقا قامقورلىق جاسايتىن ادامداردىڭ بىرلىگىن سەزىنۋدىڭ مۇمكىندىگى. وسىنداي سەنبىلىكتەر ارقىلى، قالامىزدىڭ تازالىعىنا كىشكەنە بولسا دا ۇلەس قوسقىمىز كەلەدى»، - دەدىتۇركسىب اۋدانى كوميۋنيتي ورتالىعىنىڭ باسشىسى تاۋاسار مۇراتحان.
كوميۋنيتي-ورتالىقتار الماتىدا ەكولوگيالىق مادەنيەتتى دامىتۋداعى ماڭىزدى الاڭعا اينالدى. الماتى قالاسى جاستار ساياساتى باسقارماسىنىڭ مالىمەتىنشە، 2024 جىلدىڭ باسىنان بەرى بۇل ورتالىقتاردا 1500-دەن استام ءىس-شارا وتكەن، ونىڭ ىشىندە دارىستەر، سەمينارلار، ەكو-اكسيالار، ينتەللەكتۋالدىق ويىندار، شەبەرلىك ساباقتارى، اكۋستيكالىق كەشتەر، سپورتتىق تۋرنيرلەر جانە ت.ب. بۇل ءىس-شارالارعا جالپى 375 مىڭنان استام ادام قاتىسسا، سونىڭ 27 مىڭى NEET ساناتىنداعى جاستار.
وسى جىلدان باستاپ ءاربىر كوميۋنيتي ورتالىقتا قازاقستاندىق ءوندىرىستىڭ فاندوماتتارى – ولاردى ودان ءارى وڭدەۋ ءۇشىن پلاستيكالىق بوتەلكەلەر مەن اليۋمينيي بانكالاردى جيناۋ اپپاراتتارى ورناتىلدى. سونىمەن قاتار «Plastic reboot» اكسياسى اياسىندا كوميۋنيتي ورتالىقتار 1 تونناپلاستيك قاقپاق جينادى.
وسىلايشا، وسى جاستار كەڭىستىگىنە كەلۋشىلەر اراسىندا ەكولوگيالىق قۇندىلىقتار قالىپتاسۋدا، ال كوميۋنيتي ورتالىقتاردىڭ رەزيدەنتتەرى قورشاعان ورتانى قورعاۋعا باعىتتالعان شارالاردى قولداي وتىرىپ، ەكورەيندجەرلەر قاتارىن بەلسەندى تولىقتىرۋدا.