الماتىدا «جارقىن كۇز» ناۋقانى اياسىندا «تازا اۋا» اكسياسى وتۋدە. اكسيانىڭ ماقساتى-اۆتوموبيلدەردەن شىعاتىن گازداردىڭقانگشالىق زيان ەكەنىن جانە ءتۇتىنىنىڭ دەڭگەيىن باقىلاۋ، بۇل اسىرەسە اۋانىڭ لاستانۋىنىڭ ەداۋىر بولىگى كولىك شىعارىندىلارىنا قاتىستى بولاتىن مەگاپوليستە ماڭىزدى.
اي باستالعالى بەرى پوليسيا دەپارتامەنتىنىڭ قىزمەتكەرلەرىمەن بىرگە جىلجىمالى ەكولوگيالىق بەكەتتەردە 628 كولىك تەكسەرىلدى. مونيتورينگ ناتيجەلەرى بويىنشا 263 اۆتوموبيلدە زياندى شىعارىندىلار مەن ءتۇتىننىڭ بەلگىلەنگەن نورماتيۆتەرىنىڭ اسىپ كەتۋى انىقتالدى، بۇل تەكسەرىلگەن كولىك قۇرالدارىنىڭ جالپى سانىنىڭ 42% -ىن قۇرايدى.
تەكسەرۋ ناتيجەسىندە 202 اكىمشىلىك حاتتاما راسىمدەلىپ، 123 بۇزۋشىعا ايىپپۇل سالىندى. اكىمشىلىك قۇقىق بۇزۋشىلىق تۋرالى كودەكسكە سايكەس، شىعارىندىلاردىڭ رۇقسات ەتىلگەن نورمالارىنان ەداۋىر اسىپ كەتكەن توعىز ءاۆتوموبيلدىڭ يەلەرى كولىكتەرىنىڭ مەملەكەتتىك نومىرلەردى ۋاقىتشا الىنىپ تاستالدى.
ايتا كەتەرلىگى، 18 قازاننان باستاپ مەگاپوليستە قالا كوشەلەرىندە، اۋلالاردا، قوعامدىق كەڭىستىكتەردە جانە جول ينفراقۇرىلىمىنىڭ بويىندا اعاشتاردى سانيتارلىق كەسۋ، قۇلاعان جاپىراقتار مەن قوقىستاردى جيناۋ بويىنشا اۋقىمدى جۇمىستار جۇرگىزىلۋدە. اقساي جانە قارعالى وزەندەرىنىڭ ارنالارىن تازارتۋ اياقتالدى، بۇل ءوز كەزەگىندە كۇزگى-كوكتەمگى كەزەڭدە سۋ باسۋ ءقاۋپىنىڭ الدىن الۋعا مۇمكىندىك بەرەدى.
6000 م2 وزەن ارنالارى تازارتىلدى. وسى تاپسىرمالاردى ورىنداۋ ءۇشىن ەكسكاۆاتورلار مەن ساموسۆالداردى قوسا العاندا 6 ارنايى تەحنيكا جۇمىلدىرىلدى.
تازالاۋ بارىسىندا 150 م3 قوقىس شىعارىلدى – بۇل پلاستيكالىق قالدىقتار، قۇرىلىس ماتەريالدارى جانە ت.ب. ءوتكىزىلەتىن ءىس-شارالار سۋ اعىنىن ەداۋىر جاقسارتۋعا جانە الداعى ايلاردا سۋ باسۋ ءقاۋپىن ازايتۋعا مۇمكىندىك بەرەدى.
وزەن ارنالارىن ءتيىستى جاعدايدا ۇستاۋ جونىندەگى جۇمىستار قالا تۇرعىندارىنىڭ قاۋىپسىزدىگى مەن جايلى تىنىس-تىرشىلىگىن قامتاماسىز ەتۋدىڭ كەشەندى ءتاسىلى اياسىندا جالعاساتىن بولادى.
ەستەرىڭىزگە سالا كەتەيىك، الماتىدا «تازا قازاقستان» جالپى رەسپۋبليكالىق اكسياسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا «جارقىن كۇز» باستاماسىن ىسكە اسىرۋ جالعاسۋدا.