2025 جىلى 17-24 ناۋرىز ارالىعىندا الماتىدا «الماتى – ورتاق ءۇيىمىز» قالالىق ناۋقانى جانە «تازا قازاقستان» باعدارلاماسى اياسىندا ءۇشىنشى تازالىق اپتالىعى وتەدى. «تازا اۋلالار» اتاۋىمەن وتەتىن بۇل شارالار 4 مىڭ اۋلانى كوركەيتۋگە، تۇرعىن ۇيلەردىڭ سانيتارلىق جاعدايىن جاقسارتۋعا جانە قالانى كوگالداندىرۋعا باعىتتالعان.
اپتا بارىسىندا قالانى تازا ءارى جايلى ەتۋگە ارنالعان ءبىرقاتار ءىس-شارا وتەدى. پيك (پاتەر يەلەرى كووپەراتيۆتەرى) كۇشىمەن 9 مىڭنان استام تۇرعىن ۇيدە تازالىق جۇمىستارى جۇرگىزىلەدى: جەرتولەلەر جەلدەتىلىپ، قوقىس پەن انتيسانيتارلىق وشاقتار جويىلادى. سونىمەن قاتار، وسى اپتادا «ۇزدىك كوممۋنالدىق قىزمەتكەر» بايقاۋىنىڭ قورىتىندىلاندى، جەڭىمپازدار اۋلالاردى كوركەيتۋگە قوسقان ۇلەسى ءۇشىن ماراپاتتالادى.
كوگالداندىرۋ جۇمىستارى جالعاسادى: قۋراعان بۇتاقتار مەن ۇساق قۋراعان اعاشتار كەسىلىپ، ورىندىقتار سىرلانىپ، جاڭا قوقىس جاشىكتەرى ورناتىلىپ، 1454 قوقىس كونتەينەر الاڭى تازارتىلادى. سونىمەن بىرگە، تۇرعىندار «قورشاۋىڭدى/ورىندىقتى بويا» اكسياسى اياسىندا اۋلالىق نىسانداردى جاڭارتۋعا قاجەتتى بوياۋلاردى الا الادى. «جاقىنىڭا جاردەمدەس» اتتى الەۋمەتتىك اكسيا اياسىندا ەرىكتىلەر جالعىزباستى زەينەتكەرلەر مەن مۇمكىندىگى شەكتەۋلى جانداردىڭ جەكە ۇيلەرىنىڭ اۋماعىن تازالاۋعا جاردەمدەسەدى.
تازالىق اپتالىعى اياسىندا ارىقتاردى تازالاۋ، قوقىس جيناۋ، شاعىن ساۋلەتتىك پىشىندەردى، بالالار جانە سپورت الاڭدارىن قالپىنا كەلتىرۋ جۇمىستارى جۇرگىزىلەدى. سونداي-اق، جول بەلگىلەرىن جۋۋ جانە جوندەۋ، اۋلا جولدارىن اعىمداعى جوندەۋ جۇمىستارى قولعا الىنادى. بۇعان قوسا، اۋلالاردا 100 اعاش پەن بۇتا وتىرعىزىلادى.
بايقاۋ اياسىندا ەڭ ۇلگىلى كوركەيتىلگەن مەديسينالىق ۇيىم اۋماعى انىقتالادى. ال مەكتەپ وقۋشىلارى بولاشاق كوگالداندىرۋ جۇمىستارى ءۇشىن كوشەتتەردى دايىنداۋ اكسياسىنا قاتىسادى.
19 ناۋرىزدا الماتىدا «تازا قازاقستان» باعدارلاماسى اياسىندا «جاسىل ناۋرىز» ەكولوگيالىق فەستيۆالى وتەدى. قالا تۇرعىندارى ەكولوگيا تۋرالى دارىستەر تىڭداپ، قايتا وڭدەلگەن پلاستيكتەن جاسالعان ونىمدەردى كورە الادى، سونداي-اق، شەبەرلىك دارىستەرىنە قاتىسىپ، پلاستيكالىق قاقپاقتاردى ۆەلوسيپەد شرەدەرىندە ۇساقتاپ كورۋگە مۇمكىندىك الادى. فەستيۆالدىڭ ماڭىزدى بولىگى – ينكليۋزيا: ەرەكشە قاجەتتىلىگى بار بالالار قايتا وڭدەلگەن پلاستيكتەن ورىندىقتار مەن ۇستەلدەر جاساۋعا اتسالىسادى. كەيىن بۇل بۇيىمدار MEGA سوو-نا ورناتىلادى.
23 ناۋرىزدا ناۋرىز مەرەكەسى اياسىندا وتەتىن «تازارۋ كۇنى» – «تازا الماتى – ناۋرىزعا سىي» اتتى جالپىقالالىق سەنبىلىكتە مىڭداعان قالا تۇرعىنى اۋلالاردى، كوشەلەر مەن ساياباقتاردى تازارتۋعا شىعادى.
«الماتى – ورتاق ءۇيىمىز» ناۋقانى ەكولوگيالىق سانا-سەزىمدى ارتتىرۋعا جانە قالا تۇرعىندارىنىڭ قورشاعان ورتاعا جاۋاپكەرشىلىكپەن قاراۋىن قالىپتاستىرۋعا باعىتتالعان.