20-25 ناۋرىز كۇندەرى تۋريستەر ءاز-ناۋرىزدى بىردەن ەكى ەلدە – قازاقستان مەن وزبەكستاندا قارسى الادى.
بۇل جولى باعدار كەڭەيتىلىپ، ورتالىق ازيانىڭ ەجەلگى قالالارىنىڭ ءبىرى – تاراز تىزىمگە قوسىلدى، دەپ حابارلايدى aqshamnews.kz.
حالىقارالىق تۋر الماتى، تۇركىستان، تاشكەنت، سامارقاند جانە تاراز قالالارىن قامتيدى. بەس كۇن ىشىندە ساياحاتشىلار كونە شاھارلاردىڭ اتموسفەراسىنا ەنىپ، ۇلى جىبەك جولىنىڭ رۋحاني مۇراسىمەن، ەكى ەلدىڭ باي مادەنيەتىمەن تانىسادى.
ەتنواۋىلداعى مەرەكەلىك ءىس-شارالار ۇلتتىق داستۇرلەر مەن ەرەكشە ءسان-سالتاناتقا تولى بولماق:
كونسەرتتىك باعدارلاما؛
ءداستۇرلى ادەت-عۇرىپ كورسەتىلىمى؛
ۇلتتىق تاعامداردان ءدام تاتۋ.
تۋريستەر ناعىز شىعىس قوناقجايلىعىن سەزىنىپ، جايلى قىزمەت تۇرلەرىن الا الادى: كاسىبي گيدتىڭ سۇيەمەلدەۋى؛ زاماناۋي ۆاگونداردا ورنالاسۋ؛ تاماقتانۋ؛ ەكسكۋرسيالىق باعدارلامالار.