قازاقستان – ءبىزدىڭ باستى قۇندىلىعىمىز.
قازاقستان حالقى اسسەمبلەياسىنىڭ مەملەكەت باسشىسى قاسىم-جومارت توقايەۆتىڭ جاڭا جولداۋىن جۇزەگە اسىرۋداعى باستى مىندەتى مەن ميسسياسى بەلگىلى بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بيىلعى جولداۋ جاڭا قازاقستان مەن ەكىنشى رەسپۋبليكا قۇرىلىسىنىڭ پراكتيكالىق-ماتەريالدىق بازاسىن جانە الەۋمەتتىك ىرگەتاسىن قۇرايدى. ۇسىنىلعان ەكونوميكالىق رەفورمالار پاكەتى دامۋدىڭ سيپاتىن تەرەڭ وزگەرتەدى. ياعني ازاماتتارىمىزدىڭ الەۋەتىن اشۋعا باعىتتايدى. الەۋمەتتىك بلوكتى دامىتۋ جونىندەگى جۇيەلى شارالار مەملەكەتتىڭ بارلىق سالاسىن – ەكونوميكانى، الەۋمەتتىك سالانى، ساياساتتى ۇيلەسىمدى جانە تەڭگەرىمدى دامىتۋدى قامتاماسىز ەتەدى. اسسامبلەيا جولداۋ مىندەتتەرىنىڭ تىكەلەي قاتىسۋشىسى جانە بەلسەندى ىسكە اسىرۋشى. قازاقستان حالقى اسسامبلەياسىنىڭ جاڭا قازاقستاندى قۇرۋدا وزىندىك ەرەكشە ميسسياسى بار»، - دەدى قحا ءتوراعاسىنىڭ ورىنباسارى تاۋفيك كاريموۆ ەلوردادا وتكەن قازاقستان حالقى اسسامبلەياسىنىڭ كەڭەيتىلگەن وتىرىسىندا.
ونىڭ ايتۋىنشا، قوعامدىق كەلىسىم مەن جالپىۇلتتىق بىرلىك تابىستى رەفورمالاردىڭ باستى شارتى بولىپ قالا بەرەدى.
«قازاقستان – ءبىزدىڭ باستى قۇندىلىعىمىز. سايلاۋ كومپانيالارى مەن ساياسي كۇشتەردىڭ باسەكەلەستىك تايتالاسى بارىسىندا قازاقستان حالقى اسسامبلەياسىنىڭ باستى مىندەتى – جالپىۇلتتىق قۇندىلىقتارىمىزدى، مەملەكەتتىك ءتىلدى، قوعامدىق كەلىسىم قاعيداتىن، ەتنوسارالىق تۇراقتىلىقتى قورعاۋ جانە نىعايتۋ»، - دەيدى ول.