ق ر ىشكى ىستەر ءمينيسترى ەرلان تۇرعىمبايەۆ تاۋەلسىزدىكتىڭ 30 جىلدىعىنا ارنالعان امنيستيا بويىنشا قاي ساناتتار جانە قانشا سوتتالۋشى بوساتىلاتىنىن ايتىپ بەردى، دەپ حابارلايدى almaty-akshamy.kz قازاقپاراتقا سىلتەمە جاساپ.
قازاقستان تاۋەلسىزدىگىنىڭ 30 جىلدىعىنا وراي، ازاماتتارعا جانە جالپى مەملەكەتكە ءقاۋىپ كەلتىرمەيتىن قىلمىس جاساعان ادامدارعا امنيستيا جاساۋ شەشىمى قابىلدانعان ەدى. ق ر ىشكى ىستەر مينيسترلىگى «راقىمشىلىق جاساۋ تۋرالى» قازاقستان رەسپۋبليكاسىنىڭ زاڭ جوباسىن قوعام تالقىلاۋىنا ۇسىندى.
«راقىمشىلىققا ورتاشا جانە جەڭىل قىلمىس جاساعان ادامدار ىلىگەدى. سوسىن كامەلەت جاسىنا تولماعاندار، كارىلىك جاسىنا جەتكەندەر، ءى، ءىى توپتاعى مۇگەدەكتەر مەن جۇكتى جانە كامەلەتكە تولماعان بالالارى بار ايەلدەر ساناتى ناقتى بەكىتىلگەن»، - دەدى ە. تۇرعىمبايەۆ حابار تەلەارناسىنداعى «ۇلتتىق مۇددە» باعدارلاماسىندا.
ءمينيستردىڭ ايتۋىنشا، راقىمشىلىقپەن مىڭعا جۋىق سوتتالۋشى مەن پروباسيالىق باقىلاۋداعى 3 مىڭنان ادام بوساتىلادى.
«سونىمەن بىرگە، بۇل راقىمشىلىقتىڭ ەكىنشى بولىگى – جازا مەرزىمىن ازايتۋعا ارنالادى. وسىلايشا، جازا وتەۋ ورىندارىنداعى 1300 ادامنىڭ جانە پروباسيالىق باقىلاۋداعى 7 مىڭ ادامنىڭ جازا وتەۋ مەرزىمى ازايتىلادى. ونىڭ ىشىندە كامەلەت جاسىنا تولماعان 12 سوتتالۋشىنىڭ دا مەرزىمى ازايادى. جانە ءۇشىنشى بولىك – وندىرىستەگى قىلمىستىق ىستەرگە قاتىستى بولماق. قازىرگى ۋاقىتتا 5 مىڭعا جۋىق قىلمىستىق ءىس قارالىپ جاتىر جانە راقىمشىلىققا ساي كەلەتىن باپتار بويىنشا 316 ادام قاماۋدا وتىر. ولار ءوز ايىبىن مويىنداپ، راقىمشىلىققا ءوتىنىم بەرە الادى. ال ەگەر وزدەرىن جازىقسىز دەپ ساناسا، تەرگەۋ امالدارى ءارى قاراي جالعاسادى»، - دەپ ءتۇسىندىردى ە. تۇرعىمبايەۆ.