الماتىدا قازاقستان تاۋەلسىزدىگىنىڭ 30 جىلدىعىنا ورايلاستىرىلعان Jastar Alany قالالىق جاستار فورۋمى ءوتتى
شىعارماشىلىق ماماندىقتاردىڭ وكىلدەرى، سپورتشىلار، بيزنەسمەندەر مەن عالىمدار ءوزىن كورسەتە ءبىلۋ، سۇيىكتى قالانىڭ ءومىرىن جاقسارتاتىن باستامالار مەن جوبالاردى دامىتۋ ماسەلەلەرىن تالقىلادى، دەپ حابارلايدى Almaty-akshamy.kz
ەپيدەميولوگيالىق احۋالدى ەسكەرە وتىرىپ، ءىس-شارا ونلاين جانە وفلاين فورماتتا ءوتتى.
فورۋم الماتىلىقتاردىڭ جاستار باستامالارىن جۇزەگە اسىرۋدىڭ باستاپقى نۇكتەسى بولاتىن Almaty creative hub شىعارماشىلىق كەڭىستىگى بازاسىندا ۇيىمداستىرىلدى. ءتۇرلى باعىتتاردىڭ وكىلدەرى ومىرلەرىن وزگەرتكەن جانە قوعام ءۇشىن پايدالى بولعان جوبالاردى ىسكە اسىرۋ تۋرالى ايتىپ بەردى.
Jastar alany قاتىسۋشىسى، «ماسس-مەديا» جوباسىنىڭ نەگىزىن قالاۋشى الماس ساعىن ۇلى – قازاقستان تاۋەلسىزدىگىنىڭ قۇرداسى، ساراپشىلارمەن كەزدەسۋ مۇمكىندىگىن قۇندى تاجىريبە دەپ سانايدى. الاڭدا سويلەگەن سوزىندە ول وتاندىق سەريالداردى، كينونى ازىرلەۋ جانە كۆن-گە قاتىسۋ تۋرالى ايتىپ بەردى.
«فورۋم الاڭى قارىم-قاتىناس ءۇشىن بارىنشا ەركىن، بۇل وتە ماڭىزدى. الماتى-مۇمكىندىكتەر قالاسى، بۇل جاستارعا ارنالعان لوكوموتيۆ، مۇنى مەنىڭ مىسالىمنان كورۋگە بولادى، مەن اتىراۋ وبلىسىنىڭ شاعىن اۋىلىندا ءتۋىپ-وستىم، ال بۇگىن الماتىنى ماسكەۋ كۆن ليگاسىندا تانىستىرامىن. بۇدان باسقا، ءبىز جاقىن ارادا بۇكىل الەمگە تانىمال بولاتىن كرەاتيۆتى ونىمدەر جاسايمىز»، - دەپ پىكىرىمەن ءبولىستى ا. ساعىن ۇلى.
ونىڭ ايتۋىنشا، قۇرىلعان Almaty سreative Hub-تا وقۋ ءۇشىن دە، جۇمىس ءۇشىن دە مۇمكىندىكتەر جاسالعان. ەڭ باستىسى، مۇنىڭ بارلىعى قالا جاستارى ءۇشىن تەگىن.
فورۋمنىڭ كوپتەگەن قاتىسۋشىلارى يدەيالارمەن جانە ۇسىنىستارمەن كەزدەسۋگە كەلدى. ولاردىڭ اراسىندا «توميريس» فيلمىمەن تانىمال قازاقستاندىق اكتريسا، سەناريست جانە كاسىبي باعدار بەرۋشى ايەل كوۋچ الميرا تۇرسىن دا بار.
«جاستار وقۋعا، ەڭبەك ەتۋگە، ءوز تالانتتارىن پايدالانۋعا ءتيىس. مەن تاۋەلسىزدىكتىڭ 30 جىلدىعى تۋرالى ويلاندىم جانە وسى ۋاقىت ىشىندە بىرنەشە ۋنيۆەرسيتەتتى ءبىتىرىپ، ماماندىق الىپ، ارمانىمدى جۇزەگە اسىردىم دەپ ايتقىم كەلەدى. الدا ءالى دە كوپتەگەن جوسپارلار بار، بۇگىندە جاستار ءۇشىن بۇكىل الەم اشىق»، - دەپ اتاپ ءوتتى ا. تۇرسىن.
فورۋمنىڭ ماڭىزدى ماقساتتارىنىڭ ءبىرى ساراپشىلار مەن جاستار اراسىنداعى ءوزارا ءىس-قيمىل بولدى. شاقىرىلعانداردىڭ اراسىندا تانىمال سپورتشىلار، كينو جۇلدىزدارى بولدى. مىسالى، وتاندىق دزيۋدوشى عۇسمان قىرعىزبايەۆ ءوزىنىڭ سپورت سالاسىنداعى جەڭىسى تۋرالى ايتتى، ال پروديۋسەر جانە اكتريسا قۇرالاي اناربەكوۆا جاستاردىڭ ومىردە ءوزىن تاۋىپ، سۇيىكتى ىسىمەن اينالىسۋدىڭ ماڭىزدى ەكەنىن اتاپ ءوتتى.
«الماتىعا ءبىلىم الۋ ءۇشىن كوپتەگەن جاستار كەلەدى، بۇل قالا شىعارماشىل ادامداردى تارتادى، مەنمەندىكتى ىسكە اسىرۋعا مۇمكىندىك بەرەدى. مەن ءوزىم بەلگىلى ءبىر قيىندىقتارعا تاپ بولىپ، وسى جولدان ءوتتىم. تابىستى ادامداردان ۇلگى الۋ ماڭىزدى، ال ولار الماتىدا وتە كوپ. ءبىزدىڭ قالامىزدا شەكاراسى جوق تالانتتار پايدا بولۋدا، ءبىزدىڭ جاستار تۋرالى بارلىق جەردە بىلەدى»، - دەپ ءوز بايقاۋلارىمەن ءبولىستى ق. اناربەكوۆا.
شاقىرىلعان قوناقتاردىڭ جەتىستىك تاريحى جاستار فورۋمىنا قاتىسۋشىلاردى امبيسيانى ىسكە اسىرۋعا ىنتالاندىردى. جاڭا كاسىپتىڭ وكىلى – موبيلوگراف ادىلەت راحمەتوللا ءوز تاجىريبەسىمەن ءبولىستى.
«مەن ەلىمىزدىڭ سۇلۋلىعىن تۇسىرەمىن، ماماندىعىمدى تابيعات سۋرەتشىسى دەپ اتاۋعا بولادى. مەنىڭ Instagram-دا 230 مىڭنان استام وقىرمانىم بار جانە ولاردىڭ بارلىعى الەۋمەتتىك جەلىلەر ارقىلى ءبىزدىڭ ەلىمىز تۋرالى بىلە الادى. ۆيدەوعا اكەمنىڭ قىزىعۋى وتباسىلىق ىسىمىزگە اينالدى، ەندى بۇل مەنىڭ ماماندىعىم»، - دەدى ءا. راحمەتوللا.
شاقىرىلعان قوناقتار قاتارىندا ەلىمىزدىڭ باس ەرىكتىسى رەتىندە تانىمال Asar ume قوعامدىق قورىنىڭ پرەزيدەنتى اسحات نۇرماشيەۆ بولدى. ول بۇل يدەياعا – قايىرىمدىلىققا قالاي كەلگەنىن ايتتى.
«بۇل جاي عانا قور ەمەس، ءقازىردىڭ وزىندە حالىق قوزعالىسى، بىزگە ءۇش ميلليوننان استام ادام كومەكتەسەدى. ءبىزدى بىلەدى، بىزگە كومەكتەسەدى. ءبىزدىڭ قوزعالىس وكىلدەرىنىڭ 80%-دان استامى – جاستار، ولارمەن بىرگە ءبىز 2،5 جىل ىشىندە 1500 بالا تاربيەلەنەتىن 250-دەن استام وتباسىن تۇرعىن ۇيمەن قامتاماسىز ەتتىك. بىزدە وسىنداي جاستار بار ەكەنىن ماقتان تۇتامىن!» - دەيدى ا. نۇرماشيەۆ.
Jastar alany قاتىسۋشىلارى بىر-بىرىنە كومەكتەسۋگە، قالا مەن ەلدى جاقسارتۋعا باعىتتالعان جوبالاردى ىسكە اسىرۋدا قولداۋ كورسەتۋگە دايىن ەكەندىكتەرىن ءبىلدىردى.
بۇل ءۇشىن ءبىز بيىل تاۋەلسىزدىكتىڭ 30 جىلدىعىن اتاپ ءوتىپ جاتقان قازاقستاندا بارلىق جاعداي جاسالعان