2024 جىلى «تاۋەلسىزدىك ۇرپاقتارى» بويىنشا 3 ملن تەڭگەدەن 30 گرانت بەرىلەتىن بولادى.
قازاقستان رەسپۋبليكاسىنىڭ مادەنيەت جانە اقپارات مينيسترلىگى مەملەكەت باسشىسى تاعايىنداعان «تاۋەلسىزدىك ۇرپاقتارى» گرانتىنا كونكۋرس باستالدى، دەپ حابارلايدى aqshamnews.kz.
ماقسات – بەلسەندى شىعارماشىل جاستار قاۋىمداستىعىن قالىپتاستىرۋعا باعىتتالعان جاستاردىڭ جاڭا جانە قولدانىستاعى باستامالارىن مەملەكەت تاراپىنان قولداۋ.
كونكۋرسقا قازاقستان رەسپۋبليكاسىنىڭ ون ءتورت جاستان باستاپ، وتىز بەس جاسقا دەيىنگى (34 جاس قوسا العاندا) ازاماتتارى ۇمىتكەر بولا الادى.
گرانتتار 6 باعىت بويىنشا بەرىلەدى:
«عىلىم» – جاڭا عىلىمي جوبالاردى جانە زەرتتەۋلەردى ىسكە اسىرۋعا ارنالعان؛
«مادەنيەت» – قازاقستاننىڭ مادەني مۇراسىن تانىمال ەتۋگە، حالىقتىق مادەني داستۇرلەر مەن ونەردى ىلگەرىلەتۋگە باعىتتالعان جوبالاردى ىسكە اسىرۋعا ارنالعان؛
«اقپاراتتىق تەحنولوگيالار» – جاڭا IT شەشىمدەر مەن جوبالاردى، ونىڭ ىشىندە جاڭادان باستالعان ستارتاپ جوبالاردى ىسكە اسىرۋعا جانە ازىرلەۋگە ارنالعان؛
«بيزنەس» – جاڭا بيزنەس-يدەيالاردى ىسكە اسىرۋعا ارنالعان؛
«مەديا» – جاڭا مەديا جوبالاردى، ونىڭ ىشىندە جاستار ءۇشىن تانىمدىق، پايدالى، قىزىقتى كونتەنت قۇرۋ جونىندەگى جوبالاردى ىسكە اسىرۋعا ارنالعان؛
«ۆولونتەرلىك» – وزەكتى، الەۋمەتتىك پروبلەمالاردى شەشۋگە باعىتتالعان ۆولونتەرلىك جوبالاردى (باستامالاردى) ىسكە اسىرۋعا ارنالعان.
ۇمىتكەرلەردىڭ كونكۋرستىق وتىنىمدەرى 2024 جىلعى 05 تامىز بەن 06 قازان ارالىعىندا t.urpaktary2024@mail.kz ەلەكتروندى پوشتاسى ارقىلى قابىلدانادى.
تولىق اقپارات: https://www.gov.kz/memleket/entities/mam/press/news/details/821575؟lang=kk