المالى اۋدانىنداعى №167 مەكتەپتە “تاۋەلسىزدىك قوس تاعانى: كونستيتۋسيا جانە تاۋەلسىزدىك رۋحى» اتتى قالالىق سەمينار ءوتتى. وتكىزىلىپ وتىرعان ءىس-شارانىڭ نەگىزگى ماقساتى – جاس ۇرپاققا تاۋەلسىزدىك تاريحىنىڭ ماڭىزىن ءتۇسىندىرىپ، كونستيتۋسيانىڭ ەل دامۋىنداعى ءرولى مەن تاريحي ءمانىن ايقىنداۋ بولدى. سەمينارعا مەكتەپ اكىمشىلىگى، ۇستازدار قاۋىمى مەن جوعارى سىنىپ وقۋشىلارى قاتىستى.
شارا بارىسىندا قاتىسۋشىلار تاۋەلسىزدىك جىلدارىنداعى ەلدىڭ جەتكەن جەتىستىكتەرى، اتا زاڭىمىزدىڭ قوعامداعى ادىلدىك پەن تۇراقتىلىقتىڭ كەپىلى رەتىندەگى ماڭىزى تۋرالى مازمۇندى ويلارىمەن ءبولىستى. سونىمەن قاتار 1986 جىلعى جەلتوقسان كوتەرىلىسى جايىندا دەرەكتەر كەلتىرىلىپ، ەرجۇرەك جاستاردىڭ ەرلىگى مەن ءور رۋحىنا تاعزىم جاسالدى. وقۋشىلار تاريحي ساحنالىق كورىنىستەر قويىپ، ار مەن نامىس، ەرلىك پەن ازاتتىق تاقىرىبىنداعى ولەڭدەر وقىدى. سەمينار جاس بۋىننىڭ وتانسۇيگىشتىك سەزىمىن نىعايتىپ، ەل تاريحىنا دەگەن قۇرمەتىن ارتتىرۋعا باعىتتالعان تاعىلىمدى جيىن بولدى. كەزدەسۋگە كەلگەن ع.سادىبەكوۆ، ن.كەرەي ۇلى، ءا.احات ۇلى، ە.جۇمابەك قىزى، ن.ءسۇيىنوۆ، ر،ءجۇسىپوۆا، د.امانجول تاۋەلسىزدىكتىڭ ءقادىرىن ءبىلۋ- ءاربىر قازاقستاندىقتىڭ باستى بورىشى ەكەنىن ايتا كەلە، جاستاردى ەلىن سۇيۋگە، تاريحىن قۇرمەتتەۋگە شاقىردى. شارا سوڭىندا مەكتەپ باسشىسى عاليا نالىبايەۆا ۇجىم اتىنان ريزاشىلىعىن ءبىلدىردى.