جاڭا جىل مەرەكەسى قارساڭىندا الماتى تۇرعىندارى مەن قالا قوناقتارىنا ارناپ «الماتى اۋەندەرى» مەكەمەسىنىڭ شىعارماشىلىق ۇجىمى «كەل، جاڭا جىل!» اتتى كەڭ اۋقىمدى كونسەرتتىك باعدارلاماسىن ۇسىنادى.
مەرەكەلىك ءىس-شارا 29-30 جەلتوقسان كۇندەرى ساعات 19:00-دە اباي الاڭىندا وتەدى. اشىق اسپان استىندا ۇيىمداستىرىلاتىن كونسەرت جاڭا جىلدىق كوڭىل كۇيدى سەزىنۋگە، قالا تۇرعىندارى مەن قوناقتارىن ءبىر ارناعا توعىستىرىپ، ورتاق مەرەكەلىك شاتتىققا بولەۋگە باعىتتالعان.
كونسەرتتىك باعدارلامادا ەلىمىزگە تانىمال كورەرمەن ىقىلاسىنا بولەنىپ جۇرگەن انشىلەر ونەر كورسەتەدى. اتاپ ايتقاندا باقتيار تايلاقبايەۆ، وكتەم التايەۆ، تاحمينا اشىمبەكوۆا، جۇبانىش جەكسەن ۇلى، مارتا تولەپبەرگەن، اسحات تارعىن، بەيبىتگۇل نۇرىمحوجينا، ديماش داۋلەتوۆ، ابيك جەكسەن، عاريفا يگىسىنوۆا، ەرىك تولەنوۆ جانە DARO سىندى بەلگىلى ونەرپازدار ءان شىرقايدى. ارتيستەر تىڭدارمانعا وتاندىق ەسترادانىڭ تاڭداۋلى تۋىندىلارىن، سونداي-اق جاڭا جىلدىق كوڭىل كۇي سىيلايتىن اۋەندەردى ۇسىنباق.
مەرەكەگە وراي بەزەندىرىلگەن ساحنا، ساپالى دىبىس پەن جارىق، كاسىبي ورىنداۋشىلاردىڭ ونەرى كورەرمەندەرگە ۇمىتىلماس اسەر سىيلاماق.
وتەتىن ورنى: اباي الاڭى
كۇنى: 29-30 جەلتوقسان
ۋاقىتى: 19:00
بارشاڭىزدى جاڭا جىلدى بىرگە قارسى الۋعا شاقىرامىز!