تاۋەلسىز باقىلاۋشىلار رەفەرەندۋمنىڭ ءوتۋ بارىسىنا باعا بەردى

«قوعامدىق جوبا مەكەمەسى» قب ديرەكتورى، الماتى قالاسى «باقىلاۋشىلار مەكتەبىنىڭ» جەتەكشىسى الەكساندر براتەنكوۆ جانە ق ر فرايچازينگ قاۋىمداستىعىنىڭ پرەزيدەنتى بەكنۇر كيسيكوۆ قالالىق داۋىس بەرۋ ورتالىقتارىنداعى جاعدايعا باعا بەردى دەپ حابارلايدلى almaty-akshamy.kz

- الماتىلىقتار جوعارى كوڭىل-كۇيمەن داۋىس بەرىپ جاتقاندىعىنا كۋا بولىپ جاتىرمىز. قالا تۇرعىندارىنىڭ بەلسەندىلىگى قۋانتادى. جاستار دا، ەگدە جاستاعى كىسىلەر دە تاڭەرتەڭنەن باستاپ سايلاۋ ۋچاسكىلەرىنە بارۋدا. بۇل ادامداردىڭ سانالى تۇرگە داۋىس بەرىپ، ءوز بولاشاقتارىن وزگەرتكىسى كەلەتىنىن كورسەتەدى. مەن جەكە ءوزىم ارالاعان داۋىس بەرۋ ورتالىقتارىنىڭ دايىندىق دەڭگەيىن جوعارى باعالادىم. بارلىق ۋچاسكىلەردە قىزۋ جۇمىس جۇرۋدە، – دەدى  ق ر فرايچازينگ قاۋىمداستىعىنىڭ پرەزيدەنتى بەكنۇر كيسيكوۆ.

- «باقىلاۋشىلار مەكتەبى - 2022» الماتى قالاسىندا 1،5 مىڭنان استام تاۋەلسىز باقىلاۋشى دايىندادى. دايىندىق بارىسىندا بارلىق تاۋەلسىز باقىلاۋشىلار قاجەتتى نۇسقاۋلىقتار الدى. ولار قالانىڭ 574 سايلاۋ ۋچاسكىسىنىڭ بارلىعىندا داۋىس بەرۋدىڭ زاڭدىلىعىن باقىلايتىن بولادى. رەفەرەندۋم – بۇل شىنايى دەموكراتياعا اپاراتىن قادامداردىڭ ءبىرى. سوندىقتان قوعامدىق بىرلەستىكتەردىڭ اتىنان بارعان باقىلاۋشىلار ءوز جۇمىسىن جاۋاپكەرشىلىكپەن كاسىبي تۇردە ورىندايدى دەپ سەنەمىن، – دەدى «قوعامدىق جوبا مەكەمەسى» قب ديرەكتورى، الماتى قالاسى «باقىلاۋشىلار مەكتەبىنىڭ» جەتەكشىسى الەكساندر براتەنكوۆ.