بارشامىز تاريحي ءساتتىڭ كۋاسى بولىپ وتىرمىز. مەن جەتىسۋ اۋدانى №536 سايلاۋ ۋچاسكەسىندە ءوز تاڭداۋىمدى جاسادىم. داۋىس بەرۋگە كەلۋشىلەردىڭ كوڭىل-كۇيى وتە جاقسى. ءتىپتى ەرتە كەلىپ داۋىس بەرگەن تۇرعىنعا سايلاۋ ۋچاسكەسىنىڭ ءتوراعاسى ارنايى سىيلىقتار ازىرلەپ قويىپتى.
سايلاۋ ۋچاسكەسى بارلىق قۇرال-جابدىقتارمەن قامتىلعان، مۇمكىندىگى شەكتەۋلى جاندار ءۇشىن ارنايى پاندۋستارى دا بار ەكەن.
جاڭا قازاقستاننىڭ قالىپتاسۋىنا ۇلەس قوسۋ – ءاربىر ادامنىڭ ازاماتتىق بورىشى. مەن ءۇشىن بۇل سايلاۋدىڭ ماڭىزى جوعارى. رەفەرەندۋمعا ەلدىڭ ەرتەڭى ءۇشىن كەلدىم. ساياسي سىندارلى ءساتتى پايدالانىپ، ءوز داۋسىمدى بەردىم. العاش رەت كونستيتۋسيالىق رەفورما تىكەلەي بۇكىلحالىقتىق داۋىس بەرۋ ارقىلى جۇزەگە اسىرىلىپ وتىر. سوندىقتان، وعان ەلىمىزدىڭ بارلىق ازاماتتارىنىڭ قاتىسۋى ماڭىزدى. ەلىمىزدىڭ بولاشاعى بۇگىنگى كۇندەي جارقىراي بەرسىن!
