ەلەكتر ەنەرگەتيكاسىنا قاتىستى ءبىرقاتار قولدانىستاعى قۋاتتاردى جاڭعىرتۋ جانە جاڭا ءوندىرۋشى قۋاتتاردى ەنگىزۋ جوسپارلانۋدا
ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن كەڭەستە وتىن-ەنەرگەتيكا كەشەنى مەن ەلەكتر ەنەرگەتيكاسى سالاسىن دامىتۋدىڭ 2023-2029 جىلدارعا ارنالعان تۇجىرىمدامالارىنىڭ جوبالارى قارالدى، دەپ حابارلايدى Almaty-akshamy.kz.
ەنەرگەتيكا ءمينيسترى بولات اقشولاقوۆ اتاپ وتكەندەي، وتىن-ەنەرگەتيكا كەشەنىن دامىتۋ شەڭبەرىندە تاۋارلىق گاز ءوندىرۋدى (+25،5%) جانە رەسپۋبليكانى گازداندىرۋ قارقىنىن (2029 جىلى 63،4%-عا دەيىن)، مۇناي-گاز-حيميا ءونىمىن (6،6 ەسە)، كومىر ءوندىرۋدى (+3%) ۇلعايتۋ جانە ەكونوميكانىڭ ەنەرگيا سىيىمدىلىعىن (5%-عا دەيىن) تومەندەتۋ جونىندەگى قادامدار قاراستىرىلعان.
ەلەكتر ەنەرگەتيكاسىنا قاتىستى ءبىرقاتار قولدانىستاعى قۋاتتاردى جاڭعىرتۋ جانە جاڭا ءوندىرۋشى قۋاتتاردى ەنگىزۋ جوسپارلانۋدا، بۇل قوسىمشا 11،7 گۆت ەنەرگيا بەرەدى، سونداي-اق جاڭارتىلاتىن كوزدەردەن الىناتىن ەلەكتر ەنەرگياسىنىڭ ءوندىرۋدىڭ جالپى كولەمىندەگى ۇلەسىن 12،5%-عا ۇلعايتۋعا، ەلەكتر جەلىلەرىنىڭ توزۋ دەڭگەيىن 47%-عا دەيىن تومەندەتۋگە، رەسپۋبليكانىڭ ءبىرىڭعاي ەنەرگيا جۇيەسىن قۇرۋ جۇمىستارىن اياقتاۋعا مۇمكىندىك بەرەدى.
مۇناي-گاز-حيميا ونەركاسىبىندە ءىرى جوبالاردى، ونىڭ ىشىندە پوليەتيلەن (جىلىنا 1،250 ملن توننا)، بۋتاديەن ( 319 مىڭ توننا)، پوليپروپيلەن ( 80 مىڭ توننا) جانە ت. ب. شىعاراتىن زاۋىتتاردى ىسكە قوسۋ كوزدەلگەن. بۇل رەتتە تەڭىزدە، قاشاعان جانە قاراشىعاناقتا وندىرىستىك قۋاتتاردى كەڭەيتۋ، سونداي-اق جاڭا پەرسپەكتيۆتى جوبالاردى ازىرلەۋ ەسەبىنەن مۇناي ءوندىرۋ دەڭگەيىن ارتتىرۋ جوسپارلانىپ وتىر.
سونىمەن قاتار مۇناي، گاز، مۇناي ونىمدەرىنىڭ اينالىمىن ەسەپكە الۋدى، ەلەكتر ەنەرگياسىن ءوندىرۋ مەن بەرۋدى اۆتوماتتاندىرۋ، ىسكە قوسۋ ءۇشىن تەحنيكالىق شارتتاردى ەلەكتروندىق تۇردە بەرۋ، تاريف قۇرۋدى اۆتوماتتاندىرۋ جانە ت. ب. سالالاردى ودان ءارى سيفرلاندىرۋ بويىنشا شارالار جوسپارلانعان.