تاۋار العاندا تەكسەرىپ الىڭىز!

الماتىدا دۇكەندە ساتىلاتىن سۇزبە ءونىمنىڭ ماسساسىن كورسەتپەي پاكەتتەرگە سالىناتىنى انىقتالدى

قازاقستان رەسپۋبليكاسى ساۋدا جانە ينتەگراسيا مينيسترلىگىنىڭ تەحنيكالىق رەتتەۋ جانە مەترولوگيا كوميتەتىنىڭ الماتى قالاسى بويىنشا دەپارتامەنتى جەكە تۇلعانىڭ ءوتىنىشى نەگىزىندە "JARDI KZ" (جاردي كز) ج ش س قاتىستى جوسپاردان تىس مەملەكەتتىك باقىلاۋ جۇرگىزدى، دەپ حابارلايدى Almaty-akshamy.kz ۆەدومستۆونىڭ باسپا ءسوز قىزمەتىنە سىلتەمە جاساپ.

شاعىمدا 03.10.2022 ج. كەشكە ءوتىنىش بەرۋشى وسى كومپانياعا تيەسىلى دۇكەننەن سۇزبە مەن ايران ساتىپ العانى كورسەتىلگەن. سۇزبەنىڭ ماسساسى ورامداعى كورسەتىلگەن ماسساعا 0،5 كگ سايكەس كەلمەدى. تەكسەرۋ بارىسىندا وسى دۇكەندە ساتىلاتىن سۇزبە ءونىمنىڭ ماسساسىن كورسەتپەي پاكەتتەرگە سالىناتىنى انىقتالدى.

الايدا، سۇزبە ساتۋ كەزىندە فيسكالدىق چەكتە 0،5 كگ سالماق كورسەتىلەدى. سونداي-اق، دۇكەننىڭ ساۋدا ءۇي-جايىندا شتريح-باسپا م15-2، 5د1ي1 ەلەكتروندى تارازى قولدانىلدى، ول جوسپاردان تىس تەكسەرۋ كەزىندە سالىستىرىپ تەكسەرۋ تۋرالى سەرتيفيكاتى جوق ەكەنى انىقتالدى، ال كەيىنىرەك ۇسىنىلعان سالىستىرىپ تەكسەرۋ تۋرالى سەرتيفيكات جارامسىز دەپ تانىلعان. وسىعان بايلانىستى ماتەريالدار ءتۇپنۇسقالىعى تۋرالى كۇمانمەن ءتيىستى ورگاندارعا جىبەرىلدى.

«دۇكەندە ورناتىلعان تارازى سالىستىرىلىپ تەكسەرۋسىز قولدانىلدى جانە سالىستىرىلىپ تەكسەرۋدەن ۋاقتىلى وتپەگەن رەتىندە قولدانۋعا جارامسىز دەپ تانىلعانى انىقتالدى. وسى زاڭ تالاپتارىن بۇزعانى ءۇشىن "JARDI KZ" (جاردي قز) ج ش س "اكىمشىلىك قۇقىق بۇزۋشىلىق تۋرالى" قازاقستان رەسپۋبليكاسى كودەكسىنىڭ 419-بابى بويىنشا 4 900 800 تەڭگە سوماسىنا اكىمشىلىك جاۋاپكەرشىلىككە تارتىلدى، كەمشىلىكتەردى جويۋعا نۇسقاما بەرىلىپ، قايتا تەكسەرۋ تاعايىندالدى»، - دەلىنگەن اقپاراتتا.

سونىمەن قاتار، دەپارتامەنت "JARDI KZ"(جاردي كز) ج ش س وكىلىنە "تەحنيكالىق رەتتەۋ تۋرالى" قرز تالاپتارىن بۇزا وتىرىپ، سايكەستىكتى باعالاۋ جانە ءونىمدى اينالىمعا شىعارۋعا تىيىم سالۋ تۋرالى «سۇر» قۇجاتتاردى الۋعا جول بەرمەۋ تۋرالى، سونداي-اق "ولشەم بىرلىگىن قامتاماسىز ەتۋ تۋرالى" قازاقستان رەسپۋبليكاسىنىڭ زاڭىنا سايكەس سالىستىرىلىپ تەكسەرۋدەن وتپەگەن ولشەم قۇرالدارىن قولدانعانى ءۇشىن زاڭدى جانە جەكە تۇلعانىڭ جاۋاپكەرشىلىگى تۋرالى ءتۇسىندىرۋ جۇمىستارىن جۇرگىزدى.