قازاقستان مەن جۇڭگو اراسىنداعى تاۋار اينالىمىن 2 ەسە ارتتىرىپ، 55 ملن تونناعا جەتكىزۋ كوزدەلىپ وتىر. يندۋستريا جانە ينفراقۇرىلىمدىق دامۋ ءمينيسترى مارات قارابايەۆ بەيجىڭگە جۇمىس ساپارى بارىسىندا وسىلاي مالىمدەدى، دەپ حابارلايدى Almaty-akshamy.kz.
24.kz مالىمەتى بويىنشا الداعى ۋاقىتتا ءىرى ينفراقۇرىلىمدىق جوبالارعا جۇڭگو تاراپىنان ينۆەستيسيا تارتۋ ماقساتى تۇر. قازاقستان – جۇڭگو كاسىپكەرلەرى ءۇشىن ينۆەستيسيا سالۋعا قولايلى ەل. بەيجىڭدە باس قوسقان ەكى ەل دەلەگاسياسىنىڭ پىكىرى وسىعان سايادى. وتاندىق 150-گە جۋىق كومپانيا مەن قىتايلىق 180 بيزنەسمەن ورتاق الاڭدا ءتيىمدى ۇسىنىستار ايتتى.
- باستى ماقسات – ەلگە جاڭا تەحنولوگيا تارتۋ، ەلگە جاڭا ينۆەستيسيا تارتۋ. ەندى باسىم باعىت بەرىپ وتىرعان باعىتتارىمىز ول ءبىرىنشىسى ونەركاسىپ، ءوندىرىس ونەركاسىبى، ياعني وڭدەۋ ونەركاسىبى ول سالادا ءبىز بۇگىن ەگجەي-تەگجەيلى مىسالى قۇرىلىس ماتەريالدارىن ءوندىرىسىنىڭ سالاسىن، مىسالى ماشينا جاساۋ سالاسىنداعى جانە تاۋ-كەن ءوندىرۋ سالاسىنداعى ءوزىمىزدىڭ ينۆەستيسيالىق مۇمكىندىكتەرىمىزدى كورسەتتىك. ەكىنشى باسىم باعىتقا مىنا ءوزىمىزدىڭ باسىم باعىت بەرىپ وتىرعانىمىز بۇل مىناۋ كولىك سالاسى. بۇل رەتتە ءبىز بىرنەشە اتاپ وتتىك جاڭا ترانسكاسپييلىك كولىكتىك ءدالىزىن ياعني تاۋارلاردى قىتايدان ەۋروپاعا تاسىمالداۋ بويىنشا جاڭا كولىك ءدالىزىن دامىتىپ جاتىرمىز،-دەيدى ق ر يندۋستريا جانە ينفراقۇرىلىمدىق دامۋ ءمينيسترى مارات قارابايەۆ.
ونىڭ شەڭبەرىندە قازاقستان اۋماعىندا بىرنەشە ءىرى ينفراقۇرىلىمدىق جوبا ىسكە اسىرۋ ماقساتى تۇر. اتاپ ايتقاندا، اقتاۋ جانە قۇرىق پورتىندا تەرمينالدىق حابتار قۇرۋ. سونىمەن قاتار باقتى-اياگوز جاڭا تەمىر جولى سالىنىپ جاتىر. بەيجىڭدەگى كەزدەسۋگە كاسىپكەرلەرمەن قاتار 9 ءوڭىردىڭ وكىلدەرى دە قاتىستى.
- قىتايلىق كومپانيا وكىلدەرى بىزگە كەلىپ، وڭىرمەن تانىسىپ كەتتى. ءقازىر جاڭا جەو (جىلۋ ەلەكتر ستانسياسىن) سالۋ ماسەلەسىن تالقىلاپ جاتىرمىز. ەنەرگەتيكا مينيسترلىگىنە جانە جالپى ۇكىمەتكە ۇسىنىستار ەنگىزەمىز. ياعني، ءبىز ءقازىر ولاردىڭ مۇمكىندىكتەرىن، شارتتارىن، ناقتى جوبانى قاراستىرامىز،-دەيدى ۇلىتاۋ وبلىسىنىڭ اكىمى بەرىك ءابدىعالي ۇلى.
- 15 جىلدا مەن جۇڭگو ەلىمەن جۇمىس ىستەپ مىنا بىرنەشە سەمەنت زاۆوتىن قازاقستاندا سوقتىم. سودان تاعى بىرنەشە زاۆودتار بولدى. سوڭعى زاۆود سول وسى قىتايلارمەن بىرگە قازاقستانداعى ەڭ ءبىرىنشى شىنى شىعارۋ زاۆوتىنىڭ سول جەردىڭ پرەدسەداتالى بولدىم. ءقازىر سول جەردىڭ نابليۋداتەلنىي سوۆەتىندە جۇمىس ىستەيمىن. ارى قاراي دا وسى جۇڭگو ەلىمەن جۇمىستا بولىپ، تاعى دا كوبىرەك ينۆەستيسيا جاساۋعا تىرىسامىن دەپ ويلايمىن،-دەدى وتاندىق ينۆەستور ەرجان ساعىمبايەۆ.
جالپى ءۇش كۇندە ۆ2ۆ فورماتىندا كەزدەسۋلەر وتەدى. بۇل باسقوسۋ قازاقستان مەن قىتايدىڭ ساۋدا-ەكونوميكالىق ارىپتەستىگىن نىعايتۋعا جاڭا سەرپىن بەرەدى.