جاپونيانىڭ فۋكۋوكا قالاسىندا 14 شىلدەدە باستالاتىن سۋ سپورتىنان الەم چەمپيوناتىندا ەلىمىزدىڭ اتىنان ءتورت سپورتشى سىنعا تۇسەدى، دەپ حابارلايدى Almaty-akshamy.kz.
ايتا كەتەيىك، اتالعان سپورت تۇرىنەن الەم چەمپيوناتى جاپونيانىڭ فۋكۋوكا قالاسىندا بىلتىر 13-29 مامىر ارالىعىندا ءوتۋى ءتيىس بولاتىن.
كوروناۆيرۋس پاندەمياسىنا بايلانىستى تۋرنير بيىلعى جىلدىڭ شىلدەسىنە اۋىستىرىلعان ەدى.
الەمدىك بىرىنشىلىككە ىرىكتەۋ ارنايى بىلىكتىلىك نورماتيۆتەرىن ورىنداۋ ارقىلى جۇرگىزىلدى.
ناتيجەسىندە ەلىمىزدىڭ اتىنان ءدۇبىرلى دوداعا ءتورت ءجۇزۋشى قاتىسۋعا مۇمكىندىك الدى.
ەل قۇراماسى ساپىندا ادىلبەك مۋسين 50، 100 مەتر باتتەرفلياي ادىسىمەن، 100 مەتر ەركىن ادىسپەن جۇزۋدەن جارىسسا، كسەنيا يگناتوۆا شالقالاي جۇزۋدە 50، 100، 200 مەتردە سايىسقا تۇسەدى،-دەپ جازدى قازاقپارات.
ال ديانا تاسجانوۆا 800، 1500 مەتر ەركىن ادىسپەن، ادەلايدا پچەلينسيەۆا 50، 100 مەتروۆ براسس ادىسىمەن ب ا ق سىنايدى.
الەم چەمپيوناتىندا سۋ سپورتى بويىنشا مەدالدار سۋعا سەكىرۋ، كوركەم ءجۇزۋ، سۋ دوبى جانە اشىق سۋدا ءجۇزۋ سەكىلدى ءتورت جارىستا ۇلەستىرىلەدى.