ەربولات دوسايەۆ الماتىنىڭ تاۋ باۋرايىنداعى اۋماقتاردىڭ اۋديت ماسەلەسىن ايتتى، دەپ حابارلايدى Almaty-akshamy.kz.
مەدەۋ اۋدانى تۇرعىنىنىڭ سۇراعى:
-2 جىل بۇرىن ءسىز قىزمەتكە كىرىسكەن كەزدە 15 گرادۋستان اساتىن تاۋلى بەتكەيلەردە قۇرىلىسقا تىيىم سالۋ تۋرالى زاڭ قابىلدانسا دا، ءقازىر تاۋ بوكتەرىندەگى جاعداي شيەلەنىسىپ تۇر. سونىمەن قاتار، ءسىزدىڭ ارالاسۋىڭىزبەن وبسەرۆاتوريا ماڭىنداعى جەرلەر دەمالىس ايماعىنا اۋىستىرىلدى، بۇل قاۋىپسىزدىك ءۇشىن وتە ماڭىزدى. ءقازىر ەرەجەلەردىڭ ساقتالۋىن ەشكىم باقىلامايدى، قۇرىلىس جۇمىستارى جالعاسىپ جاتىر. قۇرىلىس سالۋشى جەردى جتق (جەكە تۇرعىن ءۇي قۇرىلىسى) ساتىپ الىپ، كوپپاتەرلى تۇرعىن ءۇي سالىپ، ايلاسىن اسىرادى. بارلىق تاۋ بوكتەرىنە اۋديت جۇرگىزىپ، ءقاۋىپتى جەرلەردى انىقتاۋدى وتىنەمىن.
الماتى اكىمى ەربولات دوسايەۆتىڭ جاۋابى:
- پرەزيدەنتتىڭ ءوڭىردىڭ سەيسميكالىق قاۋىپسىزدىگىن قامتاماسىز ەتۋ جونىندەگى تاپسىرماسىنا پارلامەنت قولداۋ كورسەتەدى، ءبىز قۇرىلىستاعى مۇنداي ايلا-شارعىنىڭ جولىن كەسەمىز. قالانىڭ جوعارعى بولىگىمەن جانە تاۋ بوكتەرىمەن بايلانىستى قالا قۇرىلىسىن باقىلاۋدى باسقارۋ ماسەلەسى شەشىلۋدە. بۇل تەك قازىرگى قۇرىلىستارعا عانا قاتىستى ەمەس. باس جوسپار مەن ەتج تۇزەتۋ اياسىندا وسى جەرلەردىڭ بارلىعىن دەمالىس ايماعىنا اۋىستىردىق، ياعني وندا قۇرىلىسقا تىيىم سالىنادى. ارينە، ءقازىردىڭ وزىندە كوپتەگەن مەنشىك يەسى شاعىم تۇسىرەتىنىن ءبىلىپ وتىرمىن، ءبارىن زاڭ اياسىندا جاسايمىز. ەرەكشە باقىلاۋعا الامىز.
تىكەلەي اۋديت جاساي المايمىز. ءقازىر ءبىز تاۋ باۋرايىنىڭ قوسىمشا گەولوگياسىن جۇرگىزىپ جاتىرمىز، الماتىنىڭ اينالاسى ءبىرىنشى جانە ەكىنشى تيپتەگى سازدى جەر ەكەنىن بىلەسىزدەر. مۇنداي جەرلەرگە قۇرىلىس سالۋعا بولمايدى، وتىرىپ كەتەدى. بۇعان ءبىرىڭعاي كارىز جەلىسىنىڭ بولماۋى، تاۋدى وتىرعىزاتىن سەپتيكتەر سىندى ەكونوميكالىق شارۋاشىلىقتى قوسىڭىز. قۇرىلىستار توقتادى، مۇنىمەن قالا قۇرىلىسىن باقىلاۋ باسقارماسى اينالىسادى. ءقازىر ءبىز سەيسمو ءاۋديتتى قايتا قاراستىرامىز، الماتى قالالىق جوسپارلاۋ جانە ۋربانيستيكا باسقارماسى باس جوسپارعا ساي ءقاۋىپتى ايماقتار كارتاسى بويىنشا ءتيىستى ۇسىنىستار ەنگىزەمىز.