تاتتىمبەت حالىق اسپاپتار وركەسترى تۇركيا ءتورىن ونەرلەرىمەن تامساندىردى
تۇركيا ەلىندە بولعان گاسترولدىك ساپار كەزىندە قاراعاندىنىڭ تاتتىمبەت اتىنداعى قازاق حالىق اسپاپتارى وركەسترى 10 مىڭنان استام كورەرمەن الدىندا ونەر كورسەتىپ، دومبىرا مەن قوبىز ءۇنى ارقىلى ۇلى دالا تاريحىن جۇرەكتەرگە جەتكىزە ءبىلدى، دەپ حابارلايدى Almaty-akshamy.kz
ونەر ۇجىمى قازاقستان تاۋەلسىزدىگىنىڭ 30 جىلدىعى مەن دۇنيەجۇزى قازاقتارىنىڭ كىشى قۇرىلتايى اياسىنداعى ءىس-شاراعا ارنايى شاقىرىلعان بولاتىن.
كونسەرتتىك بىرلەستىكءتىڭ جەتەكءشىسى تالعات ىدىرىسوۆ كىشى قۇرىلتايعا قاتىسىپ، سونىمەن بىرگە الانيا، انتاليا، حاتاي، گازيانتەپ، ىستانبۇل جانە كونيا قالالارىندا كونسەرت بەرگەندەرىن حاباردار ەتتى.
ال تاتتىمبەت وركەسءترىنىڭ ديريجەرى ەرلان ب ا قتىگەرەي بولسا، تۇرىك كورەرمەندەرىنىڭ ۇلتتىق مۋزىكالىق اسپاپتارىمىزدىڭ ۇنىنە ايرىقشا تاڭعالىپ، ەرەكشە اسەرگە ءبولەنگەندەرىن اتاپ ءوتتى.
كوپشىلىك الدىندا ونەر ۇجىمى داۋلەتكەرەي، قۇرمانعازى، تاتتىمبەت، ماحامبەتتىڭ كۇيلەرى مەن نۇرعيسا تىلەندييەۆتىڭ زاماناۋي اندەرىن ورىنداعان. سونىمەن قاتار بەلگىلى ءتۇرىك كومپوزيتورلارىنىڭ شىعارمالارى، تۇرىك ءاندەرىنە پوپۋرري ورىندالدى. ديريجەردىڭ ايتۋىنشا، كورەرمەندەرگە ۇناعانى سونشالىق، ءتىپتى ولار ورىندارىنان تۇرىپ كەتىپ، بي بيلەپ،ءان سالعان.
الداعى كۇندەرى اتالعان ونەر ۇجىمى جاڭا كونسەرتتىك ماۋسىمىن اشادى. وركەستر رەپەرتۋارىندا قازاق جانە ورىس كلاسسيكتەرىنىڭ شىعارمالارى، سونداي-اق گاسترولدەر باعدارلاماسىنان اندەر بولادى دەپ جوسپارلانعان.