الماتىدا سوت ورىنداۋشىسى سوققىعا جىعىلدى

سوت ورىنداۋشىسى قىزمەتىن اتقارۋ بارىسىندا سوققىعا جىعىلعان

زاڭسىز نىساندى ءسۇرۋ كەزىندە وت ورىنداۋشىسى سوققىعا جىعىلدى، دەپ حابارلايدى Almaty-akshamy.kz

قازاقپارات اگەنتتىگىنىڭ اقپاراتىنا سۇيەنسەك، وسى وقيعاعا قاتىستى ۆيدەو الەۋمەتتىك جەلىلەر ارقىلى تاراعان.

رەسپۋبليكالىق جەكە سوت ورىنداۋشىلار پالاتاسىنىڭ حابارلاۋىنشا، سوت ورىنداۋشى بوستاندىق اۋداندىق سوتىنىڭ شەشىمىنە سايكەس، ۆينوگرادنايا 3/1 مەكەنجايىنا زاڭسىز نىساندى ءسۇرۋ ماسەلەسىمەن بارعان.

«شارا قولدانۋ 4 قازان تۇسكى ساعات 11.00-گە جوسپارلانعان بولاتىن. سوت ورىنداۋشى اۋماققا پوليسيا قىزمەتكەرلەرىمەن كىردى. پوليسيا قىزمەتكەرلەرىنىڭ جانىندا بەلگىسىز بىرەۋلەر سوت ورىنداۋشىسىنا قىسىم جاساي باستادى. ولار سوت ورىنداۋشىسىنا ءوز مىندەتىن ورىنداۋعا تىيىم سالىپ، قورقىتۋعا تىرىسىپ، كەيىن سوققىعا جىقتى»، - دەپ حابارلادى رەسپۋبليكالىق جەكە سوت ورىنداۋشىلار پالاتاسىنان.

سوت ورىنداۋشىسى اتالعان دەرەك بويىنشا قىلمىستىق ءىس قوزعاۋ تۋرالى ارىز جازدى. قالالىق پوليسيا دەپارتامەنتى ءتيىستى ساراپتامالار تاعايىندالعانىن ءمالىم ەتتى.

«بوستاندىق اۋداندىق پوليسيا باسقارماسى بۇل فاكتىنى تىركەدى، سوت ورىنداۋشىسى ءۇيدىڭ يەسىنە ارىز جازدى، ءتيىستى ساراپتامالار تاعايىندالدى. سونىڭ نەگىزىندە پروسەسسۋالدىق شەشىم قابىلدانادى»، - دەپ اتاپ ءوتتى پد باسپا ءسوز قىزمەتى.