18 قازان - دۇنيەجۇزىلىك كونفەت كۇنى
ءتاتتى دەسە، باسقا استىڭ بارىن ىسىرىپ قوياتىن جاندار قاتارىنان بولساڭىز، مەرەكەلەرىڭىز قۇتتى بولسىن! بۇل كۇنى تاتتىگە بەيجاي قاراي المايتىن جانداردىڭ مەرەكەسى اتالىپ وتەدى ەكەن. دۇنيەجۇزىلىك كونفەت كۇنى سۇيىكتى كونفەتىن جەۋ راحاتىنان باس تارتا المايتىن، سونىمەن بىرگە، وسى ونىمدەردى دايىنداۋ بارىسىنا قاتىسى بار ادامداردى بىرىكتىرگەن.
بىرەۋلەر ءۇشىن كونفەت سۇيىكتى ءتاتتىسى بولۋى مۇمكىن. كونفەتتىڭ دە ءتۇر-تۇرى بار، كارامەل، شوكولاد، مۇز كامپيتتەر، يريستەر، ت.ب. دەپ دامىنە قاراي كەتە بەرەدى. ال ەندى ءبىر كىسىلەر تاتتىدەن مۇلدە باس تارتىپ، ونىڭ دەنساۋلىققا كەلتىرەر زيانىن العا تارتادى. دەگەنمەن، كونفەتتەن باس تارتاتىن بالالار جوق شىعار.
كونفەتتەر ەجەلگى مىسىر داۋىرىندە پايدا بولعان دەگەن پىكىر بار. ول كەزدە بۇل ءتاتتى جاڭعاق، بال جانە ىنجىردەن دايىندالىپتى.
كونفەتتى قانت قوسىپ ازىرلەۋ العاش رەت ارابتاردان شىققان. ولاردىڭ ازىرلەگەن تاتتىلەرى وسى كۇنى دە شىعىس تاتتىلەرى دەپ جاقسى تانىس.
اتاپ وتەتىن جايت، ادامدار ءتاتتىنىڭ كوڭىل-كۇيدى كوتەرىپ، سەرگەكتىك سىيلايتىنىن بۇرىننان بايقاعان. سونىڭ سەبەبىنەن، شوكولاد كونفەتتەر ءبىر كەزدەرى ءدارىحانالاردا ساتىلاتىن بولعان. "ازىرلەنگەن، دايىندالعان" دەگەننىڭ تۋرا ماعىناسى لاتىن تىلىنەن اۋدارعادا "كونفەت" دەگەندى بىلدىرەدى. ءدارىحانا ساتۋشىلارى كونفەتتى جوتەل مەن جۇيكە جۇيەسىنىڭ بۇزىلۋىنا قارسى قۇرال رەتىندە ساتقان. بۇگىنگىنىڭ زەرتتەۋشىلەر دە شوكولاد جەگەندە باقىت گارمونى بولىنەدى دەگەن تۇجىرىم ايتادى. وسىلايشا، ءدارىحاناشىلار ەنگىزگەن "كونفەت" تەرمينى كەيىن كەلە كونديتەرلىك ونىمدەردىڭ ءبىر ءتۇرىن بىلدىرەتىن بولدى.
وتكەن عاسىردا كونفەت جاساۋ ءىسى ونى جاپپاي وندىرۋگە اكەلدى. ءبىر جاعىنان، بۇل تاتتىگە دەگەن قولجەتىمدىلىك جانە ونىڭ باعاسىنا قاتىستى ماسەلەلەردى شەشتى. الايدا سونىمەن بىرگە تابيعي ءونىم جاساۋدىڭ شىعارماشىلىق بارىسى دا جوعالا باستادى. وسى كۇنى كونفەت وندىرىسىندە حيميالىق قوسپالار قولدانىلادى، ول قانتتىڭ كوپ بولۋى مەن جوعارى كالوريالى بولعاننان دەنساۋلىققا زيانى دا وراسان. وسى كۇنى ءتاتتى ونىمدەردەن، ونىڭ ىشىندە كونفەت تۇرلەرىنەن جاڭىلۋعا بولادى. ولاردىڭ ءتۇرىنىڭ كوپتىگى سونداي، ءتاتتىقۇمار جاندار قاتارى دا كوبەيە تۇسكەن. كونفەت ونىمدەرى دامىعان سايىن، ودان كەلەتىن زياننىڭ سالدارىنان اۋرۋ دا سوعان سايكەس جاسارىپ، كوبەيىپ كەتكەن.
وسى كۇنى كونديتەرلەر، ءوندىرۋشى كومپانيالار، تاۋار بەلگىلەرىنىڭ يەلەرى دۇنيەجۇزىلىك كونفەت كۇنىنەن ارنالعان جىل سايىنعى شارالاردان تىس قالماۋعا تىرىسادى.
كونفەت مەرەكەسىنە وراي، قولدان كونفەت ازىرلەۋ بويىنشا فەستيۆالدەر، كارناۆالدار، كورمەلەر، شەبەرلىك ساعاتتارى وتەدى.