تاعى 7 ادام جاراقاتپەن اۋرۋحاناعا جەتكىزىلگەن.
تاتارستاننىڭ مەنزەلينسك قالاسىندا 20 ءپاراشيۋتشى مەن ەكى ەكيپاج مۇشەسى بار جەڭىلموتورلى L-410 ۇشاعى اپاتقا ۇشىرادى، دەپ حابارلايدى Almaty-akshamy.kz حابار 24-كە سىلتەمە جاساپ.
اقپارات كوزىنىڭ مالىمەتىنشە، پاراشيۋتيستەر وتىرعان ۇشاق مەنزەلينسك قونۋ الاڭىنان (تاتارستان) كوككە كوتەرىلگەننەن كەيىن بىردەن قۇلاعان. الدىن الا مالىمەتتەر بويىنشا، 16 ادام قازا بولدى. تاعى 7 ادام جاراقاتپەن اۋرۋحانادا جاتىر. دەنساۋلىق ساقتاۋ مينيسترلىگى زارداپ شەككەن جەتى ادامنىڭ ءبىرىنىڭ جاعدايى اۋىر ەكەنىن ايتتى.
بورتتا بارلىعى 23 ادام بولعان (ونىڭ ىشىندە ەكيپاجدىڭ ەكى مۇشەسى). L-410 ۇشاعىنىڭ قۇلاۋىنا جولاۋشىلار سانىنىڭ ارتۋى سەبەپ بولۋى مۇمكىن.
جولاۋشىلاردى شىعارىپ، ەۆاكۋاسيالاۋ جۇمىستارى جۇرگىزىلىپ جاتىر. L410 – ايماقتىق جەلىلەرگە ارنالعان ەكى قوزعالتقىشتى ۇشاق.
ماشينانى چەحوسلوۆاكيالىق Let كومپانياسى 1960 جىلداردىڭ سوڭىندا جاساعان. ۇشاقتى كوممەرسيالىق پايدالانۋ 1973 جىلى باستالعان. اپاتتىڭ ناقتى سەبەبى انىقتالىپ جاتىر.